मर्कूस 4:16 - पुर्वीय मगर

¹⁶ होटजाट्‍न न कुडीक भर्मीको ल्‍हुङ्‍घारीयाङ पर्च छोयोको लेखा न ले। होखुरीकै बचन सेच बीटीक्‍कै मार्‍हाङछै होसे मीमनाङ लाले।

मर्कूस 4:16 ပူးပေါင်းရင်းမြစ်များ

मत्ती 13:5

कुडीक छोयो चहीँ ल्‍हुङ घारीयाङ पर्‌या, होला चे-चेस्‍जा मट्‍टै झा लेचबाटै छोयो छीटो न गीटा,

मर्कूस 4:15

कुडीक भर्मीको लामाङ भेरेटच छोयो ल्‍याक्‍च न ले। जब होखुरीकै परमेश्‍वरौ बचन सेले, टब तुरुन्‍तै शैतान राल्‍हे र होखुरीकै सेच बचन आल्‍खी क्‍योट्‍ले।

मर्कूस 4:17

टर होखुरीकै जरा माकाच बाटै ठोरै डीन सम्‍म मट्‍टै ङुले। जब परमेश्‍वरौ बचनौ कारनै सङ्कष्‍ट वा सतावट राल्‍हे, होखुरीक तुरुन्‍तै विश्‍वास जाट्‍की डास्‍ले।”

मर्कूस 6:20

हीजैडेनाङ युहन्‍ना धर्मी र पवित्र भर्मी हो डेम हेरोदकी ठाहा लेया, होटबाटै होचे युहन्‍नाकी हीर माजाटा, र होसकी सुरक्‍छीट डा। हेरोदै युहन्‍नौ कुरा सेयार मीमन बीगारीस्‍नाङ र होचे युहन्‍नौ कुरा खुसी छानार सेमन्‍या।

लुका 8:13

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

युहन्‍ना 5:35

युहन्‍ना ढाम ङुच र ट्‍याङ्‍छ बट्‍टी ल्‍याक्‍च लेया, र नाखुरीकै काटछीन मट्‍टै होच्‍यो ट्‍याङ्‍ठाङ मार्‍हाङ्‍छ मीमन जाटा।

प्रेरित 26:28

अग्रिपासै पावलकी डेया, “इडीक ठोरै समयाङ नाङ ङाकी ख्रीष्‍टीयन खास्‍च मीमन जाट्‍ले?”

प्रेरित 8:13

होटै सीमोनै र विश्‍वास जाटा र बप्‍तिस्‍मा ला। अनी होसे र फीलीप खाटा व्‍हाकी ठाला, फीलीपै जाट्‍च बा-बाड्‍सो अचम्‍मौ काम र चीन्‍हको डाङार होसे छक्‍क पर्‌या।