मर्कूस 4:15 - पुर्वीय मगर

¹⁵ कुडीक भर्मीको लामाङ भेरेटच छोयो ल्‍याक्‍च न ले। जब होखुरीकै परमेश्‍वरौ बचन सेले, टब तुरुन्‍तै शैतान राल्‍हे र होखुरीकै सेच बचन आल्‍खी क्‍योट्‍ले।

मर्कूस 4:15 ပူးပေါင်းရင်းမြစ်များ

मत्ती 13:19

जब सुयेर स्‍वर्गौ राज्‍यौ वचन सेले, र होसे माबुझडीसा डेनाङ शैतान राहार होच्‍यौ रीदयाङ ही भेरेट्‍नन्‍या होसे खुसार आल्‍हे। इसे चहीँ होसे लामाङ पर्च छोयौ उदाहरण लेखा न हो।

मत्ती 22:5

टर होखुरीकै वास्‍टा न माजाटा, काट जना लहो य्‍हापट्‍टी व्‍हा, अनी अर्‌को चहीँ ब्‍यापार जाट्‍की व्‍हा।

मत्ती 4:10

टब येशूये डेया, “ए, शैतान, नाङ इटै नुङ्‍की क्‍योटो! हीजैडेनाङ धर्मशास्‍त्राङ रीक्‍ङने, ‘नीये परमप्रभु लहो परमेश्‍वरकी मट्‍टै झोर्‌की र होसकुङ मट्‍टै सेवा जाट्‍की।’”

मर्कूस 4:14

छोयो भेरेट्‍चये परमेश्‍वरौ बचन भेरेट्‍ले।

मर्कूस 4:16

होटजाट्‍न न कुडीक भर्मीको ल्‍हुङ्‍घारीयाङ पर्च छोयोको लेखा न ले। होखुरीकै बचन सेच बीटीक्‍कै मार्‍हाङछै होसे मीमनाङ लाले।

मर्कूस 4:4

छोयो भेरेट्‍नाङ कोइ छोयोको लामाङ पर्‌या र ग्‍वाजाको राहार ज्‍याम याहा।

लुका 8:12

लामाङ पर्च छोयो चहीँ होखुरीक हो, परमेश्‍वरौ बचन सेकी च सेले, टर मीमनाङ डाकी माय्‍होक्‍ले, हीजैडेनाङ बचन सेयार विश्‍वास माजाट्‍ख्‍यो र माजीवाख्‍यो डेम शैतानै होखुरकुङ मीमन लकीङ बचन ढुमार आल्‍खी क्‍योट्‍ले।

प्रेरित 17:32

जब होखुरीकै पावलै सीच लकीङ जीवाले डेच बारेयाङ सेया, टब कुडीक जनै होसकी गील्‍ला जाटा। टर अरु कुडीकै चहीँ डेया, “कान फेरी इसे बारेयाङ नाकुङ कुरा सेले।”

प्रेरित 5:3

पत्रुसै डेया, “ए हननीया, पवित्र आत्‍माकी ढाँट्‍डीच र य्‍हा आर्‌लाच पैसा चेक्‍जा लाहा खाटा डाच कुरा शैतानै कुटजाट्‍न नाकुङ मीमनाङ काम याहा?

२ ठेसलोनीकी 2:9

होसे दुष्‍ट भर्मीये शैतानौ शक्‍ति लार राल्‍हे र पट्‍ट खालुङ झुटो चीन्‍हको र अचम्‍मौ कामको जाट्‍ले।

१ पट्‍रुस 5:8

सचेट र चनाखो छानार ङुनी। नाखुरीकुङ शत्रु शैतान गर्‌जडीस्‍च राँघु लेखा न सुकी डुपीङ र ज्‍याकी क्‍योटीङ डेम पाम व्‍हाले।