मर्कूस 4:11 - पुर्वीय मगर

¹¹ येशूये होखुरीककी डेया, “परमेश्‍वरौ राज्‍यौ रहस्‍य नाखुरीककी याम्‍हने, टर ङा विश्‍वास माजाट्‍च भर्मीकोलाक च पट्‍ट न कुरा उदाहरणाङ न डेले।

मर्कूस 4:11 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

मत्ती 13:16

“टर नाखुरीकुङ मीमीक आसीसीट ले, हीजैडेनाङ होचे डाङ्‍ले। अनी नाखुरीकुङ मेनेकेप आसीसीट ले, हीजैडेनाङ होचे सेले।

मत्ती 16:17

येशूये होसकी डेया, “ए योनौ मीजा सीमोन, नाङ कुडीक आसीसीट ले! इसे कुरा नीये भर्मीकै डेच सेयार डेच होइन, इसे च स्‍वर्गाङ लेच ङौ परमेश्‍वर बोये न नाङ्‍की टान्‍हाक्‍च हो।

मर्कूस 3:23

टर येशूये होखुरीककी लाहा लेठाङ आर्‌घार उदाहरण याछै डेया, “शैतानै शैतानकी कुट जाट्‍न छ्‍युक्‍की य्‍होक्‍ले?

मर्कूस 4:10

जब येशू लाहा काट न छाना, टब बार्‍ह जना चेलाको र अरु वरीपरी लेचकै होसकोकी उदाहरणौ बारेयाङ गीना।

मर्कूस 4:2

होटै येशूये होखुरीककी उदाहरण याछै वास्‍टै कुराको पाहाका र होसकै इट डेया,

लुका 8:10

होटै येशूये डेया, “नाखुरीककी च परमेश्‍वरौ राज्‍यौ भीत्री कुरा वार्‌छ ज्ञान याम्‍हने, टर अरुखाटा चहीँ ङा उखानाङ ङाक्‍ले, हीजैडेनाङ ‘होखुरीकै ङोस्‍नाङ र माडाङ्‍ख्‍यो र सेम र माबुझडीस्‍ख्‍यो’।

१ ठेसलोनीकी 4:12

होट छान्‍नाङ नाखुरीककी अरु विश्‍वास माजाट्‍च भर्मीकै र नाखुरीककी आदर जाट्‍ले, र नाखुरीककी खाँचो पर्‌नाङ अरुखाटा भर पर्‌की र मापर्‌ले।

१ टीमोठी 3:7

होटबाटै होसे भर्मी मण्‍डली भीत्री मट्‍टै होइन, बाहीरुङ अरु भर्मीकुङ म्‍याहासाङ र असल ठहरीस्‍च छान्‍की पर्‌ले। होसकी नभा च भर्मीकै निन्‍दा जाट्‍ले र होसे शैतानौ पासोवाङ पर्‌ले।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।