मर्कूस 3:14 - पुर्वीय मगर

¹⁴ अनी लाहा खाटा व्‍हास्‍की र प्रचार जाट्‍की बीर्‌न्‍हकाकी डेम बार्‍ह जनाकी प्रेरित डेयार भाका।

मर्कूस 3:14 ပူးပေါင်းရင်းမြစ်များ

मर्कूस 3:13

होटै येशू डाँडाङ नुङार लहे मीमनै ज्‍याच कोलाक आर्‌घा र होखुरीक होसको लेठाङ राहा।

मर्कूस 3:15

होटै होखुरीककी भूतको छ्‍युक्‍च अधिकार याहा।

मर्कूस 6:30

होसे न्‍हुइङ प्रेरितको ल्‍हेसा र येशू लेठाङ भेला छानार मेखुरीकै ही-ही जाटा र पाहाका होसे पट्‍ट न होसकोकी सेटाका।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”