मर्कूस 3:12 - पुर्वीय मगर

¹² टर येशूये लाहाकी अरु भर्मीकै माचीन्‍डीख्‍यो डेम होखुरीककी कडा आज्ञा याहा।

मर्कूस 3:12 ပူးပေါင်းရင်းမြစ်များ

मत्ती 12:16

र होसको सु हो होसे कुरा सुकीर मासेटाक्‍की डेयार होखुरीककी चेतावनी याहा।

मत्ती 8:4

होटै येशूये होसकी डेया, “इसे कुरा सुकीर माडेकी। टर लाहाकी पुजाहारी लेठाङ नुङार टान्‍हाक्‍की, र मोशौ व्‍यवस्‍थाङ डेनाङ लेखा न भर्मीकोलाक नाङ गेप्‍च साक्षीयो लागी भेटी योहो।”

मत्ती 9:30

होटै होखुरीकुङ मीमीक डाङ्‍की य्‍होक्‍च छाना। येशूये इट डेयार होखुरीककी कडा आज्ञा याहा, “इसे कुरा सुकीर थाहा माछान्‍ख्‍यो!”

मर्कूस 1:25

टर येशूये होसकी इट डेचै हक्‍कारीया, “माच्‍याको! र होसे लकीङ खेव्‍हार नुङ्‍ना।”

मर्कूस 1:34

होला खालखालुङ रोग लडीस्‍च वास्‍टै छाच कोलाक येशूये गेपाका। वास्‍टै भूत आत्‍मा कोलाक येशूये छ्‍युका टर भूतकै होसकोकी चीन्‍डीच बाटै होसकै होखुरीककी ङाक्‍की माय्‍हा।

प्रेरित 16:18

होचे वास्‍टै डीन सम्‍म होट न जाट्‍न ङुवा। टब पावलै झर्‌को मन्‍डीयार होसे मास्‍टो जजा पट्‍टी खार्‌लाप ल्‍हेसार होसे दुष्‍ट आत्‍माकी डेया, “येशू ख्रीष्‍टौ म्‍यार्‌मीनाङ ङा नाङ्‍की आज्ञा जाट्‍ले होसे लकीङ ख्‍योन्‍हा।” अनी होसे दुष्‍ट आत्‍मा होडीक न बेला ख्‍योखी क्‍योटा।