मर्कूस 2:2 - पुर्वीय मगर

² अनी वास्‍टै भर्मीको होसको लेठाङ भेला छाना। होखुरीक होला मासीन्‍हा र गालाम बाहीर सम्‍म र ठाउँ मालेया। येशूये होखुरीककी परमेश्‍वरौ बचन पाहाक्‍ङन लेया।

मर्कूस 2:2 ပူးပေါင်းရင်းမြစ်များ

मत्ती 5:2

होटै होसकै होखुरीककी शिक्षा याखी ठाला:

मर्कूस 1:14

होटै युहन्‍नाकी झ्‍यालखानाङ ठुन्‍रखीङ परमेश्‍वरौ सेछ समचार सेटाक्‍चै येशू गालीलाङ राहा।

मर्कूस 1:33

सहरुङ पट्‍ट न भर्मीको होला इमौ गालामटुङाङ भेला छानन्‍या।

मर्कूस 1:37

होसकोकी डुप्‍चपछी होखुरीकै डेया, “नाकोकी पट्‍टकै पामन ले।”

मर्कूस 1:45

होटै होसे ख्‍योव्‍हार नुङा टर होचे होसे मेल्‍हा गेप्‍च कुरा खुल्‍लमखुल्‍ला भर्मीकोलाक सेटाक्‍की ठाला। होटबाटै येशू फेरी कुसेर सहराङ खुल्‍ला छानार नुङ्‍की माय्‍होका र सुर मालेच ठावाङ ङुकी नुङा। टर भर्मीको चहीँ पट्‍ट लकीङ होसको लेठाङ राहा।

मर्कूस 2:1

कायाक नीसयाक न्‍हुइङ येशू कफर्नहुमाङ ल्‍हेसा र भर्मीकै होसको इमाङ न ले डेम सेया।

मर्कूस 2:13

येशू फेरी कायाक गालील टालौ छेवाङ नुङा। भर्मीकुङ बाड्‍को भीड होसको लेठाङ राहा र होसकै होखुरीकी शिक्षा याहा।

मर्कूस 6:34

जब येशू डुङ्‍गा लकीङ बाहीर ख्‍योव्‍हा होसकै भर्मीकुङ भीड डाङा र होसे भीडकी डाङ्‍रखीङ रोम सेया, हीजैडेनाङ होखुरीक गोठ्‍ला मालेच भेडाको लेखान छान्‍न ङुम्‍या। अनी होसकै होखुरीककी वास्‍टै कुराको पाहाक्‍की ठाला।

लुका 12:1

होला हील्‍की माय्‍होक्‍ङ वास्‍टै भर्मीको ढुसा-ढुस जाट्‍चै भेला छानन्‍या। होटै येशूये पहीला लहो चेलाकोलाक इट डेया, “नाखुरीक फरीसीकुङ कपटी ब्‍यहोरा लकीङ जोगोडीस्‍नी। होसे कपट चहीँ खमीर ल्याक्च न हो।

लुका 5:17

कायाक येशूये शिक्षा याम्‍हन लेनाङ गालील र यहूदियुङ पट्‍ट न लाङ्‌घीङ र यरूशलेम लकीङ राछ फरीसीको र धर्मगुरुको होसकुङ खेरेप न ङुम ङुमन्‍या। परमप्रभुओ गेपाक्च शक्‍ति होसको खाटा लेया।

लुका 8:1

होस न्‍हुइङ येशू परमेश्‍वरौ राज्‍यौ बारेयाङ सेछ समाचार सेटाक्‍चै सहर-सहर र लाङ्‍घा-लाङ्‍घाङ व्‍हाकी ठाला। होसको खाटा बार्‍ह जना चेलाको र लेया।

लुका 8:11

“इसे उखानौ अर्थ याङ्‍च हो। छोयो चहीँ परमेश्‍वरौ बचन हो।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 14:25

पर्‌गा डेच ठावाङ प्रचार जाटार होखुरीक अटालीयाङ झाला।

प्रेरित 16:6

होसबेला पवित्र आत्‍मै एसीयाङ बचन प्रचार जाट्‍की रोकडीचबाटै पावल र मेन लाफाको फ्रिगिया र गलाटीयुङ क्षेत्र लकीङ छानार नुङा।

प्रेरित 8:25

पत्रुस र युहन्‍नै लहो गबाही याहा र प्रभुओ बचन सेटाक्‍ङ भ्‍याच न्‍हुइङ होखुरीक सामारीकुङ वास्‍टै लाङ्‍घाङ नुङार सेछ समचार प्रचार जाट्‍चै होखुरीक यरूशलेमाङ ल्‍हेसा।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।