मर्कूस 16:1 - पुर्वीय मगर

¹ जब म्‍हुङ बाट्‍च डीन केल्‍र्‍हखीङ मरीयम मग्‍डलीनी र याकुबौ मोइ मरीयम र सलोमीये बासना राछ डर्‌ब्‍यको येशूओ लासाङ मोल्‍खी डेम लोवा।

मर्कूस 16:1 ပူးပေါင်းရင်းမြစ်များ

मर्कूस 14:3

येशू बेथानियाङ सीमोन कुष्‍ठरोगीयो इमाङ नुङा। होसको ज्‍याकी ङुनाङ काट मास्‍टो सकली जटामसीयो महङ्‍गो अट्‍टर सीङ्‍गमरमरौ भुडुल्‍काङ लार राहा र होसे भुडुल्‍का भासार होसे बासना राछ जटामसीयो अट्‍टर होसकुङ मीटालुवाङ व्‍हाक्‍ङ याहा।

मर्कूस 14:8

इसे मास्‍टोये ही जाट्‍की य्‍होक्‍न्‍या होसे न जाट्‍नने। इचे ङौ शरीरौ डफनौ लागी अघीलकीङ न बासना राछ अट्‍टर मोल्‍हार तयार खास्‍न न ले।

मर्कूस 15:40

कुडीक जना मास्‍टो भर्मीको चहीँ लोसीङ न टोङ्‌हार ङोस्‍न ङुमन्‍या। होखुरीक मध्‍याङ मरीयम मग्‍डलीनी, सलोमी, माजा याकुब र योसेफौ मोइ मरीयम लेया।

मर्कूस 15:42

होसनीक चहीँ तयारीयो डीन डेच म्‍हुङ बाट्‍च डीनौ अगाडीयुङ डीन लेया। अरीमाठीया सहरुङ योसेफै होसनीक न नाबीलाङ पिलातस खाटा माबीर्‍हीम येशूओ लास ङेहा। योसेफ चहीँ माहासभौ मन्‍डीकी पर्च काट जना सडस्‍य लेया। होचे परमेश्‍वरौ राज्‍यकी लेन्‍न ङुमन्‍या।

मर्कूस 15:47

मरीयम मग्‍डलीनी र योसेफौ मोइ मरीयमै चहीँ येशूकी चीहानाङ डाच ङोस्‍न ङुमन्‍या।

मर्कूस 16:2

पीउर्‍हाक लेखो हप्‍टौ पहीलो डीन गोराक न नाखान फेर्‌च बेलाङ होखुरीक येशूओ चीहानाङ नुङा।

मर्कूस 16:8

टब होखुरीक चीहानीङ ख्‍योव्‍हार भोक्‍डीसा, हीजैडेनाङ होखुरीक साप्‍फी बुरुक्‍चै बीर्‍हीम आटडीस्‍नन्‍या। होटै होखुरीकै सुकीर हीर माडेया, हीजैडेनाङ होखुरीक बीर्‍हीमन्‍या।

लुका 23:54

होस्‍नीक म्‍हुङ बाट्‍च डीनौ टयारी लेया र म्‍हुङ बाट्‍च डीन सुरु छान्‍की पामन्‍या।

लुका 23:56

होटै होखुरीक इमाङ ल्‍हेसार लासकी मोल्‍खी डेम बासना राछ मलम र अट्‍टर ठीक पार्‌या। टर पीउर्‍हाक लेखो म्‍हुङ बाट्‍च डीन लेचबाटै होखुरीकै व्‍यवस्‍थौ आज्ञा अनुसार होस्‍नीक म्‍हुङ बाटा।

लुका 24:1

हप्‍टौ पहीलो डीन गोराक झीस्‍मीसाङ न होसे मास्‍टोको लहे टयार खास्‍च बासना राछ मलम र अट्‍टर लार होखुरीक येशूओ चीहानाङ राहा।

युहन्‍ना 19:25

येशूकी टङ्‍गडीच क्रूसौ खेरेप होसकुङ मोइ, मोयो बहीनी, क्‍लोपासौ मास्‍टो मरीयम अनी मरीयम मग्‍डलीनी टोङ्‍ह ङुमन्‍या।

युहन्‍ना 19:31

होसनीक चहीँ टयारीयो डीन म्‍हुङ बाट्‍च डीनौ अगाडीयुङ डीन लेया। छुटकारौ चाड पर्च बाटै पीउर्‍हाक लेखो लेच म्‍हुङ बाट्‍च डीन चहीँ बीसेस पवित्र डीन लेया। होटबाटै यहूदी अगुवाकै होसे बीसेस पवित्र डीनाङ सीच लास क्रूसाङ डाम डाकी माछान्‍ने डेम सल्‍लाह जाटार होखुरीकै पिलातस लेठाङ नुङार बिन्‍ती जाटा, “मृत्‍यु दण्‍ड डुप्‍चको छीटो सीख्‍यौ डेम होखुरीकुङ मीकु ग्‍याकार क्रूसीङ अटझालाकै।”