मर्कूस 15:14 - पुर्वीय मगर

¹⁴ पिलातसै गीना, “हीजै? इसकै ही अपराध जाट्‍ने र?” टर होखुरीकै झन च्‍याक्‍चै डेया, “होसकी क्रूसाङ टङ्‌गडीम यान्‍ही!”

मर्कूस 15:14 ပူးပေါင်းရင်းမြစ်များ

मत्ती 27:19

होटै पिलातस न्‍याय जाट्‍च ठावाङ ङुच बेलाङ होच्‍यो मास्‍टोये इट डेयार खबर याम्‍हका, “होसे निर्दोष भर्मीकी हीर माजाट्‍नी, हीजैडेनाङ छीनी नाबीक माङ्‍नामाङ होच्‍यौ कारनै ङै वास्‍टै डुख भोग्‍डीमने।”

मत्ती 27:4

र डेया, “ङै निर्दोष भर्मीकी घोवाकार ढोका याम्‍ह पाप जाट्‍नने।” टर होखुरीकै डेया, “कानकी ही खाँचो? इसे नुओ न कुरा हो।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

मर्कूस 15:13

होखुरीकै च्‍याक्‍चै डेया, “होसकी क्रूसाङ टङ्‍गडीम यान्‍ही!”

मर्कूस 15:15

पिलातसै भीडकी खुसी पार्‌च मीमन जाट्‍च बाटै होचे बारब्‍बाकी होखुरीकुङ लागी डास्‍न याहा। येशूकी चहीँ कोर्‌रा ङापार क्रूसाङ टङ्‍गडीकी डेम रोमी सीपाहीकोलाक जीम्‍मा याहा।

लुका 23:21

टर होखुरीक पट्‍टै च्‍याक्‍चै डेया, “क्रूसाङ टङ्‍गडीनी, होसकी क्रूसाङ टङ्‍गडीनी।”

लुका 23:4

होटै पिलातसै मुख्‍य पुजाहारीको र भीडकोलाक डेया, “ङै इसे भर्मीयाङ हीर दोष माडुपा।”

लुका 23:41

कानै च मासेछ काम जाट्‍च बाटै दण्‍ड डुप्‍नने। टर होसकै च हीर मासेछ काम माजाट्‍ने।”

लुका 23:47

इसे पट्‍ट न घटना डाङार कप्‍तानै परमेश्‍वरौ महीमा जाट्‍चै डेया, “साँच्‍ची न इसे भर्मी धर्मी लेया।

युहन्‍ना 18:38

पिलातसै येशूकी गीना, “सत्‍य चहीँ ही हो ट?” इडीक गीनार पिलातसै बाहीर ख्‍योहार यहूदी अगुवाकोलाक डेया, “ङै च इसे भर्मीयाङ दण्‍ड याखी पर्च दोष हीर माडुपा।

युहन्‍ना 19:6

जब मुख्‍य पुजाहारी र परमेश्‍वरौ मन्‍दिरकी पहरा याछ सीपाहीकै येशूकी डाङा टब होखुरीकै च्‍याक्‍चै डेया, “होसकी क्रूसाङ टङ्‍गडीनी! होसकी क्रूसाङ टङ्‍गडीनी!” पिलातसै होखुरीककी डेया, “नाखुरीकै न इसकी आल्‍हार क्रूसाङ टङ्‍गडीनी। हीजैडेनाङ ङै च इसे खाटा दण्‍ड याखी पर्च दोष हीर माडुपा।”

प्रेरित 13:28

येशूकी साट्‍की पर्च कारन हीर माडुप्‍नाङ र होखुरीकै होसकोकी साट्‍की पर्‌ले डेयार पिलातस खाटा बिन्‍ती जाटा।

प्रेरित 19:34

टर होखुरीकै होसकी यहूदी लेसा डेम थाहा छान्‍रखीङ होखुरीक पट्‍टको काट सोरै ओलमाओल नीस घन्‍ट टडीक “एफीसीकुङ आरटेमीस डेबी महान हो!” डेचै च्‍याका।

१ पट्‍रुस 1:19

टर नाखुरीककी ख्रीष्‍टौ बहुमुल्‍य य्‍हुये छुटकारा याहा। होसको हीर दोष मालेच र नीस्‍खोट भेडौ थुमा ल्‍याक्‍च न लेया।