मर्कूस 14:61 - पुर्वीय मगर

⁶¹ टर येशू माच्‍याक्‍ङ न ङुवा, हीर जवाफ माय्‍हा। फेरी प्रधान पुजाहारीये होसकोकी गीना, “ही नाङ परमढन्‍यौ मीजा मुक्‍ति याछ खीरीस्ट हो?”

मर्कूस 14:61 ပူးပေါင်းရင်းမြစ်များ

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मत्ती 8:29

होखुरीकै च्‍याक्‍चै इट डेया, “ए परमेश्‍वरौ मीजा, नाकुङ कानखाटा ही काम ले? ही नाको टोक्‍डीच समय डेनाङ अगाडी न कानकी डुख याखी राछ हो?”

मर्कूस 14:60

प्रधान पुजाहारी भर्मीकुङ अगाडी सोवार येशूकी गीना, “ही नाङखाटा हीर जवाफ माले? इसे भर्मीकै नुओ विरुद्धाङ साक्षी याछ ही हो?”

मर्कूस 15:2

पिलातसै होसकोकी गीना, “ही नाको यहूदीकुङ राजा हो?” होसकै पिलातसकी डेया, “नाकै न होट डेमन ले।”

युहन्‍ना 1:34

ङै डाङा, र गबाही र याल्‍हे, होसको न परमेश्‍वरौ मीजा हो।”

युहन्‍ना 10:24

यहूदी अगुवाकै होसकुङ वरीपरी जम्‍मा छानार गीना, “नाकै कानकी सेनसम्‍म अल्‍लमल्‍ल पार्‌यार डाले? इडीक नाको न मुक्‍ति याछ ख्रीष्‍ट हो डेनाङ कानकी डेम यान्‍ही।”

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

युहन्‍ना 19:7

यहूदी अगुवाकै डेया, “कानुङ व्‍यवस्‍था अनुसार होचे मृत्‍युदण्‍ड डुप्‍की न पर्‌ले हीजैडेनाङ होचे लाहाकी परमेश्‍वरौ मीजा हो डेम डाबी जाट्‍नने।”

युहन्‍ना 19:9

अनी होसे फेरी दरबार भीत्री पर्‌यार येशूकी गीना, “नाङ कुलुङ हो?” टर येशूये हीर माडेया।

प्रेरित 8:32

अनी होचे परेस्‍चै जाट्‍च धर्मशास्‍त्रओ खन्‍ड इसे लेया, “कुटजाट्‍न भेडाकी साट्‍की आल्‍न्‍हाङ लुरु-लुरु नुङ्‍ले, अठबा भेडा उन चेचओ अघी माच्‍याक्‍ङ ङुले होटजाट्‍न न होसकै र लहो मेङेर माखोलीया।

१ टीमोठी 1:11

इसे काल्‍हौ शिक्षा चहीँ प्रचार जाट्‍की डेम परमधन्‍य परमेश्‍वरै ङाकी याछ महीमीत सेछ समाचार अनुसार ले।

१ टीमोठी 6:15

परमेश्‍वरै न येशू ख्रीष्‍टकी ठीक समयाङ फेरी बीर्‌न्‍हकाले। हीजैडेनाङ परमेश्‍वर न पट्‍ट डेनाङ आसीसीट र काट मट्‍टै मालीक, राजाकुङ र महाराजा र प्रभुकुङ र महान प्रभु हो।

१ पट्‍रुस 2:23

भर्मीकै होसकोकी अपमान जाट्‍नाङ होसकै जवाफ माल्‍हेटा। कष्‍ट भोग्‍डीनाङ होसकै ढम्‍की माय्‍हा टर ठीकखाटा न्‍याय जाट्‍च परमेश्‍वर मीटाक न होसकै भरोसा डा।