मर्कूस 13:6 - पुर्वीय मगर

⁶ वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेम राल्‍हे र होखुरीकै वास्‍टै भर्मीकोलाक ढाट्‍डीले।

मर्कूस 13:6 ပူးပေါင်းရင်းမြစ်များ

मत्ती 24:11

वास्‍टै झुटो अगमवक्‍ताको राल्‍हे र वास्‍टै भर्मीकी बहकडीले।

मत्ती 24:5

हीजैडेनाङ वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेचै राल्‍हे र वास्‍टै भर्मीकोलाक ढाँट्‍डीले।

मर्कूस 13:22

हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

मर्कूस 13:5

होटै येशूये होखुरीककी डेया, “होसीयार छान्‍नी, सुयेर नाखुरीककी ढाट्‍डीकी माडीन्‍ख्‍यौ।

मर्कूस 13:7

जब नाखुरीकै लडाइको छान्‍च र लडाइयो हल्‍लाको सेले, होसबेला माबीर्‍हीखी। याङ्‍च कुराको छान्‍की न पर्‌ले, टर अन्‍त्‍यौ डीन राखी चहीँ अझै बाँकी न ले।

युहन्‍ना 5:43

ङा ङौ परमेश्‍वर बोयो म्‍यार्‌मीनाङ राम्‍हने, टर नाखुरीक ङाकी स्‍वीकार माजाट्‍ले। बरु सुर लहो म्‍यार्‌मीनाङ राहा डेनाङ, होसकी चहीँ स्‍वीकार जाट्‍ले।

युहन्‍ना 8:24

होटबाटै ङै ‘नाखुरीक लोहो पापाङ सीले’ डेच हो। इडीक नाखुरीकै ‘ङा सु हो होसे न हो’ डेयार नाखुरीकै ङाकी विश्‍वास माजाटा डेनाङ नाखुरीक लहो पापाङ सीले।”

युहन्‍ना 8:28

होटबाटै येशूये डेया, “जब नाखुरीकै भर्मीयो मीजाकी ढेनाम क्रूसाङ टङ्‍गडीयार गाराङ्‌ले, टब ङा सु हो होसे न हो डेम नाखुरीकै थाहा डीन्‍ल्‍हे। ङा ङाल्‍हौ अधिकारै हीर काम माजाट्‍ले, टर बोये ङाकी पाहाक्‍च कुराको मट्‍टै जाट्‌ले डेच कुरा र नाखुरीकै वार्‌ल्‍हे।

१ युहन्‍ना 4:1

ङौ जाक्‍च लाफाको, ङा खाटा पवित्र आत्‍मा ले डेच पट्‍ट न भर्मीकोलाक नाखुरीकै विश्‍वास माजाट्‍की, टर होखुरीक खाटा लेच आत्‍मा परमेश्‍वर लकीङ राछ हो की होइन डेयार जाँच्‍डीकी। हीजैडेनाङ धेरै झुटो अगमवक्‍ताको इसे संसाराङ ख्‍योम्‍ह राम्‍हने।