मर्कूस 13:36 - पुर्वीय मगर

³⁶ होसे मोसोमायाङ रान्‍हाङ होचे नाखुरीककी मीस्‍न ङुच माडुप्‍ख्‍यो।

मर्कूस 13:36 ပူးပေါင်းရင်းမြစ်များ

मत्ती 25:5

बेहुलै राखी ढीलो जाट्‍नाङ होखुरीक पट्‍ट न मीमीक झुका र मीसा।

मर्कूस 14:37

होसको सोम जना चेलाको लेठाङ ल्‍हेस्‍न रान्‍हाङ होखुरीक मीमीक झ्‍युक्‍ङ ङुच डुप्‍राहा। होसकै पत्रुसकी डेया, “सीमोन, ही नाको मीमीक झ्‍युक्‍ङ ङुमने? काट घन्‍ट मीमीक माझ्‍युक्‍ङ ङुकी माय्‍होका?

मर्कूस 14:40

फेरी रान्‍हाङ र होसकै होखुरीककी मीमीक झ्‍युक्‍ङ ङुच डुप्‍राहा, होखुरीक मीमीक झ्‍युकार लठ्‍ठै छान्‍च बाटै येशूकी ही जवाफ याखी पर्च होखुरीककी हीर माराहा।

लुका 21:34

“नाखुरीक लहो बारेयाङ होसीयार छान्‍नी। वास्‍टै भोज-भट्‍याराङ नुङार म्‍होर्‌न माव्‍हानी। लहो जीवनौ चीन्‍टा माजाट्‍नी। नभा च नाखुरीकुङ मीमन बोढो छान्‍ले। र होसे डीन नाखुरीकै माचीटडीच बेलाङ पासो लेखा न आरहे।

लुका 22:45

होटै येशू प्रार्थना जाट्‍न भ्‍यार चेलाको लेठाङ ल्‍हेसार रान्‍हाङ होखुरीक सुर्‌टै जाट्‍नाङ म्‍हुङार मीमीक झ्युकार लट्‍ठै छान्‍न ङुच डुपा।