मर्कूस 13:27 - पुर्वीय मगर

²⁷ अनी होसकै स्‍वर्गदूतकोलाक बीर्‌न्‍हकाले र पृथ्‍वी र सर्‌घौ अन्‍तसम्‍म पट्‌ट ठाउँ लकीङ लहे चुन्‍डीच कोलाक भेला जाट्‍ले।”

मर्कूस 13:27 ပူးပေါင်းရင်းမြစ်များ

मत्ती 12:42

न्‍यायौ डीनाङ डछीनाङ लेच सेबा देशुङ महारानी खडा छान्‍ले र इसे पुस्‍ताकी दोषी ठहरीले, हीजैडेनाङ होसे पृथ्‍वीयो पार्‌च छेउलकीङ सोलोमन राजौ बुद्धियो कुरा सेकीयो लागी राहा। र ङा नाखुरीककी डेले, सोलोमन डेनाङ महान चाहाँ काट जना इला ले।

मत्ती 13:41

होसनीक भर्मीयो मीजै होसकुङ स्‍वर्गदूतकोलाक बीर्‌न्‍हकाले, अनी होखुरीकै पाप जाट्‍की लैडीच र दुष्‍ट काम जाट्‍च पट्‍टकी होसकुङ राज्‍यलकीङ बटुलीले।

मत्ती 13:49

इसे संसारौ अन्‍त्‍यौ डीनाङ र होङ्‍च न छान्‍ले। स्‍वर्गदूतको राहार दुष्‍टकोलाक धर्मीकुङ मीघीङ भाक्‍ले।

मत्ती 24:22

इडीक होसे डीनको घटडीम माय्‍हाछ लेनाङ च सुर माजीवाच लेया। टर होसकै चुन्‍डीच भर्मीकुङ कारनै होसे डीनको घटडीम याल्‍हे।

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 24:31

बाड्‍को सोराङ टुरही आर्‌म्‍हाट्‍ले अनी भर्मीयो मीजै लहो स्‍वर्गदूतकोलाक बीर्‌न्‍हकाले र होखुरीकै पृथ्‍वीयुङ पट्‍ट लकीङ होसकै चुन्‍डीचकोलाक भेला जाट्‍ले।

मर्कूस 13:20

परमेश्‍वरै होसे सङ्कष्‍टओ डीनको माघट्‍डीम याछ लेनाङ च सुर भर्मी जीवाकी माय्‍होक्‍च लेया। टर होसकै चुन्‍डीचकुङ लागी होसे डीनको घट्‍डीम याम्‍हने।

मर्कूस 13:22

हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

मर्कूस 13:28

येशूये डेया, “अन्‍जीरौ म्‍यार्‌टुङ लकीङ शिक्षा पान्‍ही। जब इच्यो हाँगाको लकीङ टुसा राहार म्‍हेर्‌ले टब खान्‍छ समय खेरेप राहा डेयार नाखुरीककी ठाहा छान्‍ले।

लुका 16:22

होटै होसे गरीब भर्मी सीया। स्‍वर्गदूतकै होसकी आल्‍हार अब्राहाम छीनीङ डाम याहा। होटै होसे धनी भर्मी र सीया अनी ठाका।

लुका 18:7

होटजाट्‍न न परमेश्‍वरै मेखोल्‍हाकी नाबीक नामसीन पुकारीच, लहे भाक्‍च भर्मीकोलाक अन्‍याय लकीङ माजोगडीले र? ही होसकै होखुरीककी साहायटा जाट्‍की ढीलो जाट्‍ले र?

युहन्‍ना 10:16

ङा खाटा अरु भेडाको र ले, होखुरीक इसे गोठुङ होइन, होखुरीककी र ङै राक्‍की पर्‌ने। होखुरीकै ङौ सोर सेले र होखुरीक पट्‍ट न काट न बगाल छान्‍ने, अनी होखुरीकुङ गोठ्‍ला काट न छान्‍ले।

युहन्‍ना 11:52

यहूदीकुङ लागी मट्‍टै होइन, टर पट्‍ट न छरपस्‍ट छानार ङुच परमेश्‍वरौ सन्‍टानकोलाक काठोव्‍हाङ जम्‍मा जाट्‍कीयो लागी इसे कुरा डेमन्‍या।

२ ठेसलोनीकी 2:1

ङौ डाजेभाइको र डै बहीनीको, कानुङ प्रभु येशू ख्रीष्‍ट फेरी राल्‍हे डेच बारेयाङ अनी होसकोकी डुप्‍की कान काठोहाङ भेला छान्‍ले डेच बारेयाङ नाखुरीककी डेले,

२ टीमोठी 2:10

होटबाटै न परमेश्‍वरै चुन्‍डीचकुङ लागी ङा पट्‍ट कुरा सहडीले, टा की होखुरीकै र सधैँभरी ङुमङुच महीमा खाटा ख्रीष्‍ट येशूवाङ लेच मुक्‍ति डुप्‍की अट य्‍होकै।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।