मर्कूस 13:26 - पुर्वीय मगर

²⁶ अनी होसबेला भर्मीकै भर्मीयो मीजाकी शक्‍ति र महीमा खाटा डेबुवाङ राम्‍हन लेच डाङ्‍ले।

मर्कूस 13:26 ပူးပေါင်းရင်းမြစ်များ

मत्ती 16:17

येशूये होसकी डेया, “ए योनौ मीजा सीमोन, नाङ कुडीक आसीसीट ले! इसे कुरा नीये भर्मीकै डेच सेयार डेच होइन, इसे च स्‍वर्गाङ लेच ङौ परमेश्‍वर बोये न नाङ्‍की टान्‍हाक्‍च हो।

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मर्कूस 14:62

येशूये डेया, “ङा न हो, अनी नाखुरीकै भर्मीयो मीजाकी सर्वशक्‍तिमानौ डोर मीहुट पट्‍टी ङुमङुच र सर्‌घाङ डेबुखाटा राछै जाट्‍च डाङ्‍ले।”

मर्कूस 8:38

इसे व्‍यभिचारी र पापी पुस्‍टाङ सु ङा र ङौ बचन खाटा काराले, भर्मीयो मीजा र लहो बोयो महीमाङ पवित्र स्‍वर्ग दूतकोखाटा रान्‍हाङ होसे खाटा काराले।”

मर्कूस 9:1

होटै येशूये होखुरीककी डेया, “साँच्‍ची न ङा नाखुरीककी डेले, इला टोङ्‍छको मध्‍याङ कोइ-कोइ ले होखुरीक परमेश्‍वरौ राज्‍य बाड्‍को शक्‍तियाङ राछ माडाङ्‍ठर कुसेर हालटाङ मासीले।”

लुका 21:27

होटै भर्मीयो मीजाकी बाड्‍को शक्‍ति र महीमा खाटा डेबुवाङ राछै जाट्‍च होखुरीकै डाङ्‍ले।

प्रेरित 1:11

होखुरीकै डेया, “ए गालीलुङ भर्मीको, नाखुरीक हीजै सर्‌घालाक ङोस्‍चै टोङ्‍ह ङुच? कुटजाट्‍न चाहाँ येशू नाखुरीकुङ मीघीङ स्‍वर्गाङ गाराङ्‍ङ आल्‍छ डाङा, होटजाट्‍न न होसको फेरी राल्‍हे।”

१ ठेसलोनीकी 4:16

हीजैडेनाङ होसनीक प्रभु सोयम मेखोला न आग्‍यौ बाड्‍को सोर खाटा, प्रधान स्‍वर्गदूतौ सोर र परमेश्‍वरौ टुरही म्‍हुट्‍च बेलाङ प्रभु स्‍वर्ग लकीङ राल्‍हे र होडीक न बेला ख्रीष्‍टकी विश्‍वास जाटार सीचको पट्‍ट डेनाङ पहीला जीवाम सोले।

२ पट्‍रुस 1:16

कानुङ प्रभु येशू ख्रीष्‍ट बाड्‍को महीमा र शक्‍तियाङ फेरी राल्‍हे डेच कुरा कानै नाखुरीककी डन्‍ट्‍यकठाकुङ भराङ सेटाक्‍च होइन। कानै लहो मीमीकै न होसकुङ बाड्‍को महीमा डाङा।