मर्कूस 13:22 - पुर्वीय मगर

²² हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

मर्कूस 13:22 ပူးပေါင်းရင်းမြစ်များ

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 7:15

“झुटा अगमवक्‍ताको लकीङ होसीयार छान्‍नी। होखुरीक चहीँ भेडै ल्‍याक्‍च न रुप लार राल्‍हे, टर भीत्री चहीँ बीर्‍हीमसेच सीलाको ल्‍याक्‍च न छान्‍ले।

मर्कूस 13:21

“र होडीक बेला सुयेर नाखुरीककी ‘ङोस्‍नी, मुक्‍ति याछ ख्रीष्‍ट इला ले’ वा ‘होसको होला ले’, डेया डेनाङ नाखुरीकै होसे कुराकी विश्‍वास माजाट्‍की।

मर्कूस 13:23

टर नाखुरीक चहीँ होसीयार छानार ङुनी। सेनी, ङै नाखुरीककी पट्‍ट न कुराको अघीलकीङ न डेम याम्‍हने।”

मर्कूस 13:6

वास्‍टै जना ङौ म्‍यार्‌मीनाङ ‘ङा न मुक्‍ति याछ ख्रीष्‍ट हो’ डेम राल्‍हे र होखुरीकै वास्‍टै भर्मीकोलाक ढाट्‍डीले।

युहन्‍ना 4:48

येशूये होसकी डेया, “चीन्‍हको र अचम्‍मौ कामको माडाङ्‍ठर नाखुरीकै सेन्‍र विश्‍वास माजाट्‍ले।”

२ टीमोठी 2:19

टर परमेश्‍वर मेखोलै न काच जग सधैँ बलीयो छानार ङुमङुले। इला इट डेम रीक्‍ङने, “प्रभुये लहो भर्मीकोलाक चीन्‍डीले” अनी “प्रभुओ म्यार्‌मीन लाचको जटी पट्‍ट न खराब कामको लकीङ अलग ङुकी न पर्‌ले।”

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।

१ युहन्‍ना 2:26

ङा इसे पट्‍ट न कुरा नाखुरीककी झुटो ङाकार बहकडीकी पाच भर्मीकुङ बारेयाङ रीक्‍ङन ले।