मर्कूस 12:7 - पुर्वीय मगर

⁷ “टर होसे मोहीकै मेखुरीक-मेखुरीक सल्‍हा जाटार डेया, ‘इसे च हकडार हो। रान्‍ही, काल्‍हा इसकी साटीङ र इच्यो हकडारी कान न छान्‍ले।’

मर्कूस 12:7 ပူးပေါင်းရင်းမြစ်များ

मत्ती 2:16

जब ज्‍योतिषीकै लाहाकी ढाँट्‍डीच कुरा हेरोदै थाहा डीन्हा, र होसे साप्फी मीरीस ख्‍योहा। ज्‍योतिषीको लकीङ टुगा कुसे समयाङ डाङ्‍ङन्‍या डेच कुरा थाहा छान्‍च अनुसार हेरोदै बेथलेहेम र होसे वार्‌लाक-पार्‌लाकुङ लाङ्‍घुङ नीस वर्ष म्‍हाकुङ पट्‍ट न लेन्‍जा मीजाकोलाक साट्‍की लैडीया।

मत्ती 21:34

जब अङ्‍गुर म्‍हीन्‍च बेला छाना, अनी होचे लहो भाग अङ्‍गुर लाकी मोहीको लेठाङ नोकरको बीर्‌न्‍हका।

मर्कूस 12:12

होटै यहूदी अगुवाकै येशूकी घोकी पा, हीजैडेनाङ इसे उदाहरण होसकै होखुरीकुङ न विरुद्धाङ डेच हो डेयार होखुरीकै वार्‌हा। टर होखुरीक भर्मीकुङ भीडखाटा बीर्‍हीछ कारनै होसकोकी डासार नुङ्‍की क्‍योटा।

मर्कूस 12:6

अन्‍टीमाङ होसे मालीकौ माया जाट्‍च काट मट्‍टै लेन्‍जा मीजा बाँकी लेया। ‘होखुरीकै ङौ मीजाकी च पक्‍कै आदर जाट्‍ले’ डेयार पट्‍ट डेनाङ न्‍हुइङ लहो मीजाकी होखुरीक लेठाङ बीर्‌न्‍हका।

मर्कूस 12:8

होटै होखुरीकै मालीकौ मीजाकी घोवार साटा अनी अङ्‍गुर बारीयो बाहीर लोम्‍ह याहा।”

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 5:28

“कानै नाखुरीककी इसे म्‍यार्‌मीनाङ हीर शिक्षा माय्‍हाखी डेम कडा आज्ञा याम्‍हन्‍या टर नाखुरीकै च लहो शिक्षाये पट्‍ट यरूशलेम न्‍हेपाक्‍ङ भ्‍या। अझै होसे येशूकी साट्‍च दोष कान मीटाक लैडीकी पाले।”

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।