मर्कूस 11:23 - पुर्वीय मगर

²³ साँच्‍ची न ङा नाखुरीककी डेले, इडीक सुयेर लहो मीमनाङ चेक्‍जा र सङ्‍खा माजाट्‍न टर लहे डेच कुराको पुरा छान्‍ने डेम विश्‍वास जाटार इसे पहाडकी ‘नाङ इटै हटडीसार टालाङ झालो’ डेया डेनाङ, होच्‍यौ लागी होसे होट न छान्‍ने।

मर्कूस 11:23 ပူးပေါင်းရင်းမြစ်များ

मत्ती 14:13

जब येशूये युहन्‍नौ बारेयाङ सेया, टब होसको डुङ्‍गाङ काल्‍हार सुर मालेच ठावाङ नुङा। टर येशू कुला नुङ्‍ङ न ले डेच कुरा भर्मीकै थाहा डीन्‍हा र सहरको लकीङ ख्‍योव्‍हार मीखुटेइ न व्‍हाम होसकोकी डुटा।

मत्ती 17:20

अनी होसकै डेया, “नाखुरीक खाटा चेक्‍जा र विश्‍वास मालेचबाटै हो। साँच्‍ची न ङा नाखुरीककी डेले, नाखुरीक खाटा काट राइगानौ डाना टडीक बाड्‍को मट्‍टै विश्‍वास छाना डेनाङ र इसे डाँडाकी ‘इटै हटडीसो’ डेया डेनाङ होसे हटडीसार नुङ्‍ले। र नाखुरीकुङ लागी छान्‍की माय्‍होक्‍च कुरा हीर माछान्‍ले।

मत्ती 21:21

अनी येशूये होखुरीककी जवाफ याहा, “ङा नाखुरीककी साँच्‍ची न डेले, नाखुरीक खाटा विश्‍वास ले र सेन्‍र सङ्‍खा माजाटा डेनाङ, ङै इसे अन्‍जीरौ म्‍यार्‌टुङकी ही जाटा होडीक मट्‍टै होइन, टर नाखुरीकै इसे डाँडाकी ‘इटै नुङार समुन्‍द्राङ झालो’ डेया डेनाङ होसे छान्‍ले।

लुका 17:6

होटै प्रभुये डेया, “नाखुरीक खाटा रैगानौ काट डाना खालो मट्‍टै विश्‍वास लेनाङ नाखुरीकै इसे कीम्‍बुओ म्‍यार्‌टुङ्‍की, ‘हुटार नाङ समुन्‍द्राङ छहो’ डेया डेनाङ होचे मन्‍डीले।

युहन्‍ना 14:13

नाखुरीकै ङौ म्‍यार्‌मीनाङ ही ङेन्‍हाङ र मीजा लकीङ बोयो महीमा छान्‍ख्‍यौ डेयार ङा होसे नाखुरीककी पुरा जाट्‍न याल्‍हे।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।