मर्कूस 11:18 - पुर्वीय मगर

¹⁸ इसे कुरा मुख्‍य पुजाहारीको र धर्मगुरुकै सेया। सेरखीङ होखुरीकै येशूकी साट्‍च उपाया पाकी ठाला। होखुरीक येशू खाटा बीर्‍हीमन्‍या हीजैडेनाङ पट्‍ट न भर्मीको येशूओ शिक्षाङ अचम्‍म मन्‍डीमन्‍या।

मर्कूस 11:18 ပူးပေါင်းရင်းမြစ်များ

मत्ती 21:15

टर जब मुख्‍य पुजाहारीको र धर्मगुरुकै होसकै जाट्‍च अचम्‍मौ कामको डाङा, र मा-मार्‌जा जजाकै परमेश्‍वरौ मन्‍दिरुङ आर्‌भाङ “दाउदौ मीजाकी होसन्‍ना” डेचै च्‍याक्‍च सेया, अनी होखुरीक साप्फी मीरीस ख्‍योहा।

मत्ती 7:28

येशूये इसे कुरा डेम भ्‍यारखीङ भर्मीकुङ भीड होसकुङ शिक्षा सेयार छक्‍क पर्‌या।

मर्कूस 1:22

होसकुङ शिक्षा सेयार भर्मीकै अचम्‍म मन्‍डीया। हीजैडेनाङ होसकै होखुरीककी धर्मगुरुकै लेखा होइन, टर अधिकार खाटा पाहाका।

मर्कूस 11:32

इडीक भर्मी लकीङ डेइङ कुटजाट्‍न डेकी?” इट डेकी भर्मीको खाटा बीर्‍हीया हीजैडेनाङ पट्‍टये युहन्‍नाकी अगमवक्‍ता हो डेमन्‍या।

मर्कूस 12:12

होटै यहूदी अगुवाकै येशूकी घोकी पा, हीजैडेनाङ इसे उदाहरण होसकै होखुरीकुङ न विरुद्धाङ डेच हो डेयार होखुरीकै वार्‌हा। टर होखुरीक भर्मीकुङ भीडखाटा बीर्‍हीछ कारनै होसकोकी डासार नुङ्‍की क्‍योटा।

मर्कूस 3:6

होटै फरीसीको सभा इमीङ ख्‍योव्‍हार नुङा र येशूकी कुट जाट्‍न साट्‍की डेयार तुरुन्‍तै हेरोद राजाकी डुट्‌च भर्मीको खाटा सल्‍लाह जाटा।

मर्कूस 6:20

हीजैडेनाङ युहन्‍ना धर्मी र पवित्र भर्मी हो डेम हेरोदकी ठाहा लेया, होटबाटै होचे युहन्‍नाकी हीर माजाटा, र होसकी सुरक्‍छीट डा। हेरोदै युहन्‍नौ कुरा सेयार मीमन बीगारीस्‍नाङ र होचे युहन्‍नौ कुरा खुसी छानार सेमन्‍या।

लुका 19:47

होसकै डीनै पीच्‍छी परमेश्‍वरौ मन्‍दिराङ शिक्षा याम्‍ह न लेया। मुख्‍य पुजाहारीको, धर्मगुरुको र अरु शासकको खाटार होसकोकी साट्‍की पाम्‍या।

लुका 2:47

होसकुङ बुद्धि र उट्‍टर याछ डाङार होला लेच पट्‌ट सेच भर्मीको छक्‍क पर्‌नन्‍या।

लुका 20:19

होटै धर्मगुरुको र मुख्‍य पुजाहारीकै इसे उदाहरण मेखुरीकुङ विरोधाङ डेच हो डेम वार्‌हा होडीक न बेला येशूकी घोकी पा। टर होखुरीक भर्मीको खाटा बीर्‍हीम्‍या।

लुका 4:22

पट्‍ट न भर्मीकै येशूओ प्रशंसा जाटा। होसकै डेच कुरा सेयार होखुरीक छक्‍क पर्‌चै मेखुरीक-मेखुरीक न कुरा जाट्‍चै इट डेया, “होसको च योसेफौ मीजा होइन र?”

युहन्‍ना 7:1

होटै न्‍हुइङ येशू गालील क्षेत्राङ छेर्‍हाम व्‍हा। होसको यहूदियाङ नुङ्‍की मीमन माजाटा, हीजैडेनाङ यहूदी अगुवाकै होसकोकी साट्‍की पामन्‍या।

युहन्‍ना 7:19

ही मोशै नाखुरीककी व्‍यवस्‍था याछ होइन र? टर नाखुरीक सुयेर होसे व्‍यवस्‍थाकी मामन्‍डीले। अनी हीजै नाखुरीक ङाकी साट्‍की पाले?”

युहन्‍ना 7:46

सीपाहीकै जवाफ याहा, “होसे भर्मीये ङाक्‍च लेखा च कानै चाहाँसम्‍म सुयेर ङाक्‍च मासेमने।”

प्रेरित 24:25

जब पावलै सेछ कामको जाट्‍की, लहो मीमनकी बसाङ डाकी र होसे राछ न्‍यायौ बारेयाङ कुरा जाटा, टब फेलीक्‍स बीर्‍हीयार इट डेया, “चहुँङ लागी नाको नुङ्‍नी, मौका डुप्‍च बेलाङ ङा नाकोकी आर्‌घाले।”