मर्कूस 11:13 - पुर्वीय मगर

¹³ येशूये चेक पारी काट झ्‍याम्‍म पर्च अन्‍जीरौ म्‍यार्‌टुङ डाङा। मीस्‍या स्‍यामे की डेयार ङोस्‍की नुङा टर होसे म्‍यार्‌टुङाङ मील्‍हा मट्‍टै डाङा हीजैडेनाङ होडीक बेला अन्‍जीरौ मीस्‍या स्‍याच बेला माछान्‍नन्‍या।

मर्कूस 11:13 ပူးပေါင်းရင်းမြစ်များ

मत्ती 21:19

लामौ छेवाङ काट अन्‍जीरौ म्‍यार्‌टुङ डाङार होसको मीस्‍या लेकी डेम नुङा। टर होला मील्‍हा बाहेक हीर मालेया। टब होसकै होसे म्‍यार्‌टुङकी डेया, “अब लकीङ आलाक नुओ मीस्‍या सेन्‍र मास्‍याख्‍यौ!” टब होसे म्‍यार्‌टुङ होडीक न बेला ओइलडीस्‍कीक्‍योटा।

मर्कूस 11:12

पीउराक लेखो येशू र मेकुङ चेलाको बेथानिया लकीङ ल्‍हेस्‍न न लेनाङ येशूकी मीटुक रन्‍छीया।

मर्कूस 11:14

येशूये होसे म्‍यार्‌टुङकी डेया, “इटै आलाक नाङ लकीङ सुयेर मीस्‍या ज्‍याकी माढीन्‍ख्‍यौ।” अनी इट डेच कुरा मेखोल्‍हौ चेलाकै सेया।

लुका 10:31

कालापाङ होसे न लाम छान्चै पुजाहारी होला टार्‍हा। टर होचे घाइट्‌याकी माडाङ्‌नाङ लेखा जाटार टर्‌कडीसार व्‍हा।