मर्कूस 10:52 - पुर्वीय मगर

⁵² होटै येशूये डेया, “नुङ्‌नी, नाकुङ विश्‍वासै नाकोकी गेपाक्‍ने।” टब तुरुन्‍तै होचे मीमीक डाङा र होसको खाटा लामाङ न्‍हुङ-न्‍हुङ नुङा।

मर्कूस 10:52 ပူးပေါင်းရင်းမြစ်များ

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 12:22

टब भर्मीकै भूत लक्‍डीसार मीमीक माडाङ्‍च र ङाक्‍की माय्‍होक्‍च काट भर्मीकी येशूलेठाङ राका। होसकै होसकी गेपाका अनी होचे डाङ्‍की र ङाक्‍की य्‍होका।

मत्ती 15:28

टब येशूये होसकी डेया, “ए मास्‍टो नानी, नाकुङ विश्‍वास बाड्‍को लेसा। नाकै जाट्‍च इच्‍छा पुरा छान्‍ख्‍यौ।” होडीक न बेला होच्‍यो मास्‍टो मीजा गेप्‍की क्‍योटा।

मत्ती 21:14

मीमीक माडाङ्‍च र लङ्‌गडाको परमेश्‍वरौ मन्‍दिराङ येशू लेठाङ राहा र होसकै होखुरीककी गेपाका।

मत्ती 8:3

येशूये होसे भर्मी मीटाक मीहुट डार डेया, “ङा मीमन जाट्‍ले, नाङ गेप्‍की क्‍योटो!” होडीक न बेला होसे कुष्‍ठरोग लक्‍डीस्‍च भर्मी गेप्‍की क्‍योटा।

मत्ती 9:22

येशूये खार्‌लाप ल्‍हेसार न्‍हुङ्‍लाक ङोस्‍नाङ होसे मास्‍टोकी डाङा र होसकै डेया, “ए मास्‍टो मीजा, साहस जाट्‍नी, नाकुङ विश्‍वासै नाकोकी गेपाक्‍नने।” होडीक न बेला होसे मास्‍टो गेप्‍की क्‍योटा।

मर्कूस 1:31

र येशू खेरेप नुङार होच्‍यो मीहुटाङ घोवार सोटा। होडीक न बेला होसकी जरै डास्‍की क्‍योटा र होचे होखुरीककी सेवा जाटा।

मर्कूस 5:34

होटै येशूये होसकी डेया, “ए मास्‍टो मीजा, नुओ विश्‍वासै नाङ गेप्‍मने। शान्‍ति खाटा नुङ्‍ना। अब नाङ गेपा।”

मर्कूस 8:25

फेरी येशूये होसे भर्मीयो मीमीकाङ मीहुट डा र होचे एकोहोरो खाटा ङोसा। होटै होसे भर्मीये छ्‍याङ्‍गै पट्‍ट ठोक डाङ्‍की य्‍होका।

लुका 7:50

येशूये होसे मास्‍टोकी डेया, “नाकुङ विश्‍वासै नाकोकी जीवाटाक्‍ने, शान्‍ति खाटा नुङ्‍नी।”

लुका 9:48

होटै होखुरीककी डेया, “सुये ङौ म्यार्‌मीनाङ इसे जजाकी मन्‍डीले, होचे ङाकी मन्‍डीले, र ङाकी मन्‍डीचकै ङाकी बीर्‌न्‍हकाचकी मन्‍डीले। हीजैडेनाङ नाखुरीक मढ्‍याङ सु मार्‌जा ले, होसे न पट्‍ट डेनाङ बाड्‍को छान्‍ले।”

युहन्‍ना 9:32

संसार सुरु छान्‍च लकीङ चाँहा सम्‍म डीन्‍न्‍हाङ न मीमीक माडाङ्‍च अन्‍धाकी डाङ्‍च खास्‍च सेन्‍र मासेमने।

युहन्‍ना 9:39

होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’