मर्कूस 10:47 - पुर्वीय मगर

⁴⁷ जब होचे नासरतुङ येशू राम्‍हन ले डेच सेया र होचे च्‍याकार डेया, “ए येशू, दाउदौ मीजा, ङा मीटाक दया जाट्‍नी!”

मर्कूस 10:47 ပူးပေါင်းရင်းမြစ်များ

मत्ती 1:1

अब्राहाम र दाउदौ मीजा, येशू ख्रीष्‍टौ वंशावली:

मत्ती 12:23

र इसे घटना डाङार पट्‍ट न भर्मीको छक्‍क पर्‌चै डेया, “ही इसे दाउदौ मीजा होइन?”

मत्ती 15:22

होसे इलाकालकीङ काट कनानी मास्‍टो राहार च्‍याक्‍चै डेकी ठाला, “ए प्रभु, दाउदौ मीजा, ङा मीटाक दया जाट्‍नी! ङौ मास्‍टो मीजाकी भूत लग्‍डीसार सार्‍है डुख याम्‍हने।”

मत्ती 2:23

होसे नुङार नासरत डेच ठावाङ ङुवा। इटजाट्‍न अगमवक्‍ताकोलकीङ ङाक्‍च वचन पुरा छाना, “होसकोकी नासरी डेले।”

मत्ती 20:30

नीस जना मीमीक माडाङ्‍च भर्मीको लामौ छेवाङ ङुम-ङुमन्‍या। अनी होखुरीकै येशू होसे लामलकीङ न नुङ्‍ङ न ले डेच सेया, टब होखुरीक इट डेम च्‍याका, “ए प्रभु, दाउदौ मीजा, कान मीटाक दया जाट्‍न यान्‍ही!”

मत्ती 21:11

भीडुङ भर्मीकै डेया, “होसको च गालीलुङ नासरतुङ अगमवक्‍ता येशू हो।”

मत्ती 21:9

येशूओ अगाडी र पछाडी व्‍हाच पट्‍ट न भर्मीकै इट डेचै जय जयकार जाट्‍की ठाला, “दाउदौ मीजाकी होसन्‍ना! परमप्रभुओ म्‍यार्‌मीनाङ राछ कुडीक आसीसीट ले! पट्‍ट डेनाङ ढेनाम स्‍वर्गाङ होसन्‍ना!”

मत्ती 26:71

होसे आर्‌भौ गालाम पट्‍टी नुङा। अर्‌को काट नोकरनीये होसकी होला डाङा, र होला लेच भर्मीकोलाक डेया, “इसे भर्मी र येशू नासरी खाटा न लेया।”

मत्ती 9:27

येशू होटै नुङ्‍चै जाट्‍नाङ नीस जना मीमीक माडाङ्‍च भर्मीको इट डेम च्‍याक्‍चै होसको न्‍हुङ-न्‍हुङ राहा, “ए दाउदौ मीजा, कान मीटाक दया जाट्‍न यान्‍ही!”

मर्कूस 1:24

“ए नासरतुङ येशू, कानुङ नाको खाटा ही काम ले र? ही नाको कानकी नास जाट्‍की डेम राछ हो? ङा नाकोकी चीन्‍डीले, नाको परमेश्‍वरौ काट पवित्र जन हो।”

लुका 4:16

येशू मेखोल्‍हा होर्‌च सहर नासरताङ टाराहा, सढैँ लेखा न होसको म्‍हुङ बाट्‍च नीक शिक्षा याछ इमाङ नुङा र धर्मशास्‍त्र परेस्‍की डेम सोवा।

युहन्‍ना 1:46

नथानेलै डेया, “ही नासरतलकीङ कुसेर सेछ कुरा राखी य्‍होक्‍ले र?” फीलीपै होसकी डेया, “राहार ङोस्‍नी।”

युहन्‍ना 19:19

पिलातसै “नासरतुङ येशू यहूदीकुङ राजा” डेच दोष पत्र रीकार क्रूसाङ टाराप लाक्‍ङ याहा।

युहन्‍ना 7:41

अनी अरुये डेया, “होसको च मुक्‍ति याछ ख्रीष्‍ट न हो।” टर कुडीकै डेया, “ही मुक्‍ति याछ ख्रीष्‍ट गालीललकीङ राल्‍हे र?

युहन्‍ना 7:52

टर होखुरीकै होसकी डेया, “ही नाङ र गालीली होकी य्‍हाले? धर्मशास्‍त्र सेम्‍ह परेसो अनी नीये वार्‌ल्‍हे, की गालील लकीङ कुसेर अगमवक्‍ता मार्‍हाले।”

प्रेरित 6:14

हीजैडेनाङ इचे इट डेच कानै सेया, ‘नासरतौ येशूये इसे ठाउँकी नास जाट्‍ले र मोशै कानकी याछ रीतिथितिकी र बदलीम याल्‍हे।’”