मर्कूस 10:30 - पुर्वीय मगर

³⁰ होखुरीकै इसे न समयाङ सय गुना बढी इम, मोइ बोइ, डाजेभाइ, डै बहीनी, मीजाको र जग्‍गा जमीन डुप्‍ले होटै सतावट र राल्‍हे टर राछ युगाङ सेन्‍र मासीच जीवन डुप्‍ले।

मर्कूस 10:30 ပူးပေါင်းရင်းမြစ်များ

मत्ती 12:32

सुयेर भर्मीयो मीजौ विरुद्धाङ हीर डेया डेनाङ होसकी क्षमा छान्‍ले, टर सुयेर पवित्र आत्‍मौ विरुधाङ ङाका डेनाङ होसकी इसे युगाङ र राछ युगाङ र क्षमा माछान्‍ले।

मत्ती 13:8

टर कुडीक छोयो चहीँ मलीलो झाङ पर्‌या र कोये सय गुना, कोये साठी गुना र कोये टीस गुना स्‍याटाका।

मत्ती 6:33

टर पहीले परमेश्‍वरौ राज्‍य र होसकुङ धार्मिकताकी पानी, अनी इसे पट्‍ट न ठोक नाखुरीकुङ लागी याल्‍हे।

लुका 18:30

होचे चाहाँ न होसे डेनाङ वास्‍टै डुप्‍ले। होटै स्‍वर्गाङ सेन्‍र मासीच जीवन डीन्‍ल्‍हे।”

युहन्‍ना 10:23

येशू परमेश्‍वरौ मन्‍दिरुङ सोलोमन डेच दलानाङ व्‍हाम ङुम्‍या।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 16:25

टर आढा राटाङ पावल र सीलास प्रार्थना जाट्‍चै परमेश्‍वरौ भजन ल्‍हीङ्‍ङ न लेया र अरु कैदीकै चहीँ सेम ङुमन्‍या।

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

१ टीमोठी 4:8

हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।

१ टीमोठी 6:6

टर सन्‍टोकखाटा परमेश्‍वरकी जाट्‍च भक्‍ति न बाड्‍को लाभ हो।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 5:11

डुख कष्‍टकोवाङ धैर्य जाट्‍च भर्मीको आसीस डुप्‍चको छान्‍ले। अयुबै धैर्य जाट्‍च बारेयाङ च नाखुरीकै सेमने। अनी अन्‍टीमाङ प्रभुये कुटजाट्‍न होसकी सेछ कुराकै न्‍हेपाक्‍ङ याहा, होसे र नाखुरीकै वार्‌न्‍हने। भर्मीकुङ लागी प्रभु दया र कृपै न्‍हेप्‍च ले।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

१ युहन्‍ना 3:1

ङोस्‍नी, परमेश्‍वर बोये काल्‍हाकी कुडीक धेरै प्रेम जाट्‍नने! होसकुङ प्रेमौ कारनै न काल्‍हाको परमेश्‍वरौ मीजाको डेयार चीन्‍डीमने, अनी चीन्‍डीच मट्‍टै होइन साँच्‍ची न मीजाको हो। टर संसारुङ भर्मीकै काल्‍हाकी माचीन्‍डीले, हीजैडेनाङ होखुरीकै परमेश्‍वरकी माचीन्‍डीया।