मर्कूस 10:21 - पुर्वीय मगर

²¹ येशूये होसकी ङोसा र माया जाटार डेया, “नाकै अझै काट कुरा जाट्‍की बाँकी ले। नुङ्‍नी र नाकोखाटा ही-ही ले होसे पट्‍ट न आर्‌लानी र गरीब कोलाक यान्‍ही। अनी नाकै स्‍वर्गाङ सम्‍पत्ति डुप्‍ले। होस न्‍हुइङ रान्‍ही र ङाकी डुट्‍नी।”

मर्कूस 10:21 ပူးပေါင်းရင်းမြစ်များ

मत्ती 16:24

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यौ र लोहो क्रूस सोटार ङाकी डुट्‍ख्‍यौ।

मत्ती 19:21

येशूये होसे रेन्‍जा भर्मीकी डेया, “नाको सिद्ध छान्‍की मीमन जाट्‍ले डेनाङ, नुङार नाकोखाटा लेच पट्‍ट न आर्लार गरीबकोलाक यान्‍ही र नाकै स्‍वर्गाङ धन डुप्‍ले। होटै राहार ङाकी डुट्‍नी।”

मर्कूस 10:22

टर इसे कुरा सेयार होसे भर्मीयो मीटाहा छुम्‍छ छानार होसे डुखीट छानार नुङ्‍की क्‍योटा। हीजैडेनाङ होसे खाटा वास्‍टै धन सम्‍पत्ति लेया।

मर्कूस 8:34

येशूये लहो चेलाकोलाक र होला लेच भर्मीकुङ भीडकी लाहा लेठाङ आर्‌घार डेया, “सुर भर्मी ङा न्‍हुङ-न्‍हुङ व्‍हाकी मीमन जाट्‍ले डेनाङ होचे लाहाकी इन्‍कार जाट्‍ख्‍यौ र लहो क्रूस बुवार ङाकी डुट्‍ख्‍यौ।

लुका 10:42

टर चहडीस्‍च कुरा काट मट्‍टै ले, होसे न असल कुरा मरीयमै रोजडीमे होटै होसे कुरा होसे लकीङ सुयेर स्‍याट्‍की माय्‍होक्‍ले।”

लुका 12:33

नाखुरीकुङ सम्‍पत्ति आर्‌लार हीर मालेच कोलाक यान्‍ही। लाहाकी डेम सेन्‍र माच्‍याछ ठैली खास्‍नी। होटै स्‍वर्गाङ सेन्‍र माभ्‍याच स्‍वर्गीय सम्‍पत्ति बटलीनी। होला खुस र मार्‍हाले, डुये र माज्‍याले।

लुका 16:9

ङा नाखुरीककी डेले, लहो लागी संसारुङ धनै लाफाको खास्‍नी। जब होसे धन र कायाक भ्‍याले। होटै होखुरीकै नाखुरीककी स्‍वर्गाङ मान जाट्‍ले।”

लुका 18:22

याङ्‍च कुरा सेरखीङ येशूये होसकी डेया, “नाकै अझै काट काम जाट्‍की बाँकी ले। नाको खाटा लेच पट्‍ट न ठोक आर्‌लाम गरीबकोलाक पुङ्‍ङ यान्‍ही। नाकुङ स्‍वर्गाङ धन छान्‍ले। होटै रान्‍ही र ङाकी डुट्‍नी।”

लुका 19:41

येशू यरूशलेम खेरेप टार्‍हानाङ लहो अगाडी सहरकी डाङा। होटै होसको रापार डेया,

लुका 9:23

होटै होसकै पट्‍टकी डेया, “सुर ङौ न्‍हुङ-न्‍हुङ राछ मीमन जाट्‍ले डेनाङ होचे लहो मीमन अनुसार जीवाच इच्‍छाकी डास्‍की पर्‌ले। होटै डीन-डीनै लहो क्रूस बुवार ङाकी डुट्‍की पर्‌ले।

युहन्‍ना 12:26

सुये ङौ सेवा जाट्‍च मीमन जाट्‍ले होचे ङाकी डुट्‍की पर्‌ले, अनी ङा कुला छान्‍ले, ङौ सेवा जाट्‍च र होला न छान्‍ले। ङौ सेवा जाट्‍चकी ङौ बोये आदर जाट्‍ले।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

प्रेरित 2:45

होखुरीकै लहो सम्‍पत्ति र चीजबीजको आर्‌लार मेखुरीक मीघ्‍याङ सु-सुकी हीयो खाँचो पर्‌या होसे पट्‌ट कोलाक पुङ्‌ङ याम्‍हन्‍या।

२ टीमोठी 3:12

सुये ख्रीष्‍ट येशूवाङ विश्‍वास जाटार सेछ जीवन जीवाच इच्‍छा जाट्‍ले होखुरीक पट्‍ट न सटावटाङ पर्‌ले।

याकुब 2:10

हीजैडेनाङ सुये व्‍यवस्‍थाङ रीक्‍च पट्‍ट न कुराको मन्‍डीले टर काट मट्‍टै कुराङ गल्‍टी जाटा डेनाङ, व्‍यवस्‍थौ पट्‍ट न कुराङ होसे डोस लक्‍डीस्‍ले।