मर्कूस 10:2 - पुर्वीय मगर

² होला कुडीक फरीसीको राहार होसकोकी फसडीकी डेम गीना, “कुसेर भर्मीये ब्‍याहा जाट्‍च लहो मास्‍टोकी छोड पत्र याखी छान्‍ले की माछान्‍ले?”

मर्कूस 10:2 ပူးပေါင်းရင်းမြစ်များ

मत्ती 15:12

होटै न्‍हुइङ चेलाको राहार येशूकी डेया, “नाकै थाहा डीन्‍हा? फरीसीको नाकुङ कुरा सेयार मीरीस ख्‍योम्‍हने।”

मत्ती 16:1

फरीसी र सदुकीको राहा र येशूकी जाँच जाट्‍की डेम डेया, “इडीक नाको परमेश्‍वर लकीङ न राछ हो डेनाङ काट चीन्‍ह टान्‍हाक्‍नी।”

मत्ती 19:3

कुडीक जना फरीसीको येशू लेठाङ राहार होसकुङ मन खुसकी डेम गीना, “कानुङ व्‍यवस्‍था अनुसार सुयेर लहो मास्‍टोकी हीर कारनै छोड पत्र याखी खाट्‍ले की माखाट्‍ले?”

मत्ती 22:35

होखुरीक मध्‍याङ काट जना धर्मगुरुये येशूकी फसडीच विचार जाटार गीना,

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 9:34

टर फरीसीकै डेया, “भूतकुङ मालीकौ सहायटा लकीङ इचे भूत छ्‍युक्‍ले।”

मर्कूस 10:1

येशू होसे ठाउँकी डासार यहूदियौ इलाकाङ र यर्दन नदियो पारी नुङा। होला भर्मीकुङ बाड्‍को भीड होसको लेठाङ राहार सढैँ लेखान फेरी होसकै होखुरीककी शिक्षा याखी ठाला।

मर्कूस 10:3

येशूये होखुरीककी जबाफ याहा, “मोशै नाखुरीककी ही आज्ञा याम्‍हने?”

मर्कूस 8:11

फरीसीको येशूलेठाङ राहार होसको खाटा बहस जाट्‍की ठाला। होखुरीकै होसकोकी अन्‍ट ङोस्‍की डेम स्‍वर्ग लकीङ काट चीन्‍ह टान्‍हाक्‍नी डेम ङेहा।

मर्कूस 8:15

येशूये चेलाकोलाक इट डेयार चेटावनी याहा, “नाखुरीक फरीसीकुङ खमीर र हेरोद राजा लकीङ होसीयार छानार ङुनी।”

लुका 11:39

होटै प्रभुये फरीसीकी डेया, “नाखुरीक फरीसीको ठाल बेला च बाहीर सेम्‍हजा ठुटार हुर्‌ले, टर नाखुरीकुङ भीत्री मीमन चहीँ लोभ र मासेछ कुराकै न्‍हेप्‍च छान्‍ले।

लुका 16:14

होटै इसे पट्‍ट कुरा सेरखीङ फरीसीकै येशूओ गील्‍ला जाटा। हीजैडेनाङ होखुरीकै पैसाकी साफ्‍फी माया जाट्‍नन्‍या।

लुका 5:30

याङ्‌च डाङार फरीसी र होखुरीकुङ धर्मगुरुकुङ हुड्‍डाकै गन-गन जाट्‍चै येशूओ चेलाकोलाक डेया, “नाखुरीक हीजै कर सोट्‍चको र पापी भर्मीको खाटा ङुवार ज्‍याले-गाले?”

लुका 6:7

धर्मगुरुको र फरीसीको छानार म्‍हुङ बाट्‍च डीनाङ इसे भर्मीयो मीहुट गेपाक्‍ले की मागेपाक्‍ले डेम येशूकी दोष याखी डेम मौका ङोस्‍न ङुमन्या।

लुका 7:30

टर फरीसीको र व्‍यवस्‍थौ धर्मगुरुकै चहीँ युहन्‍ना लकीङ बप्‍तिस्‍मा मालाच बाटै परमेश्‍वरै होखुरीकुङ लागी खास्‍च योजनाकी मामन्‍डीया।

युहन्‍ना 11:47

टब मुख्‍य पुजाहारीको र अरु फरीसीकै महासभौ सदस्‍यकोलाक आर्‌घार सल्‍लाह जाटा, “अब कानै ही जाटीङ? हीजैडेनाङ इसे भर्मीये च वास्‍टै अचम्‍मौ कामको जाट्‍ननले।

युहन्‍ना 11:57

मुख्‍य पुजाहारी र फरीसीकै येशूकी घोकी मीमन जाट्‍नन्‍या। होटबाटै होखुरीकै येशू कुला ले डेम सुयेर थाहा डीन्‍हा डेनाङ होखुरीककी खबर याखी डेच आज्ञा याम्‍हन्‍या।

युहन्‍ना 7:32

येशूओ बारेयाङ भीडाङ लेच भर्मीकै खास्‍याक खुसुक ङाक्‍चै जाट्‍च फरीसीकै सेया। टब मुख्‍य पुजाहारीको र फरीसीको खाटार होसकोकी घोकी परमेश्‍वरौ मन्‍दिर रुङ्‍च सीपाहीकोलाक बीर्‌न्‍हका।

युहन्‍ना 7:48

ही कानुङ अगुवाको र फरीसीको मढ्‍याङ सुयेर होसे मीटाक विश्‍वास जाट्‍ने?

युहन्‍ना 8:6

होखुरीकै होसकोकी दोष लैडीच मौका डुप्‍ले की डेयार इटजाट्‍न गीन्‍नन्‍या। टर येशूये घुकुरुक छानार झाङ औलै रीका।