मर्कूस 10:17 - पुर्वीय मगर

¹⁷ येशू लामाङ नुङ्‍चै जाट्‍नाङ काट जना भर्मी खेर्‌न राहार होसकुङ अगाडी घुँडा टुसार होसकोकी गीना, “ए असल गुरु, सेन्‍र मासीच जीवन डुप्‍की ङै ही जाट्‍की पर्‌ले?”

मर्कूस 10:17 ပူးပေါင်းရင်းမြစ်များ

मत्ती 17:14

जब येशू मेखोलौ सोम जना चेलाकोखाटा भर्मीकुङ भीड लेच ठावाङ टाराहा, टब काट जना भर्मीये होसकुङ म्‍याहासाङ राहार घुँडा टुसा

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 28:8

होसे मास्‍टो भर्मीकोलाक बीर्‍हीम र सेया र मार्‍हाङ्‍ङ र सेया। होखुरीक चीहान लकीङ झोसार खेव्‍हा र होसकुङ चेलाकोलाक ङ्‍होस्‍की खेर्‌न नुङा।

मर्कूस 1:40

अनी काट कुष्‍ठरोग लग्‍डीस्‍च भर्मी येशू लेठाङ राहा र घुँडा टुस्‍चै इट डेम बिन्‍ती जाटा, “नाकै मीमन जाटा डेनाङ ङाकी गेपाक्‍की य्‍होक्‍ले।”

मर्कूस 10:18

येशूये डेया, “नाको हीजै ङाकी असल डेले? काट मट्‍टै परमेश्‍वर बाहेक अरु सुर असल माले।

मर्कूस 12:14

होखुरीक राहार येशूकी डेया, “गुरुज्‍यु, नाकै साँचो कुरा ङाक्‍ले डेम कानकी ठाहा ले। भर्मीकै ही डेले डेयार नाकै वास्‍टा माजाट्‍ले हीजैडेनाङ नाकै सुओर मेङेर ङोसार काम माजाट्‍ले। टर परमेश्‍वरौ लाम साँचो खाटा पाहाक्‍ले। कानकी डेनी, कैसरकी कर टेरीकी सेम्‍ह ले की माले?

मर्कूस 9:25

होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

लुका 10:25

कायाक धर्मगुरु राहार येशूओ मीमन खुस्‍चै होसकोकी डेया, “ए गुरु, ङाकी होडीनी, सेन्‍र मासीच जीवन डुप्‍की ङै ही जाट्‍की पर्‌ले?”

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

युहन्‍ना 6:40

हीजैडेनाङ ङौ बोयो इच्‍छा इसे न हो, मीजाकी ङोस्‍च र होसे मीटाक विश्‍वास जाट्‍च पट्‍टकै सेन्‍र मासीच जीवन डुप्‍ख्‍यौ, र ङा होखुरीककी अन्‍टीम डीनाङ सीच लकीङ जीवाटाक्‍ले।”

प्रेरित 16:30

होटै होखुरीककी बाहीर आल्‍हार होचे डेया, “ए हजुरको, मुक्‍ति डुप्‍की ङै ही जाट्‍की पर्‌ले?”

प्रेरित 2:37

पत्रुसौ इसे कुरा सेयार भर्मीकुङ मीमन छीया-छीया छाना। होटै पत्रुस र अरु प्रेरितकोलाक होखुरीकै गीना, “ए भाइको, अब कानै ही जाट्‍की?”

प्रेरित 20:32

“अब ङा नाखुरीककी परमेश्‍वराङ र होसकुङ अनुग्रहौ बचनाङ जीम्‍मा याल्‍हे, होचे नाखुरीककी विश्‍वासाङ बलीयो खास्‍की य्‍होक्‍ले र पवित्र जाट्‍च पट्‍टकुङ मीघ्‍याङ हकडार खास्‍ले।

प्रेरित 9:6

अब सोवार सहराङ नुङ्‍ना, नीये ही जाट्‍की पर्च हो होला नाङ्‍की डेम याल्‍हे।”

टीटस 3:7

होटजाट्‍न होसकुङ अनुग्रहै कानकी धर्मी ठहरीया र कानै आशा डाच सेन्‍र मासीच जीवनौ हकडार छान्‍की य्‍होका।

१ पट्‍रुस 1:4

स्‍वर्गाङ परमेश्‍वर बोये सेन्‍र माघेरेल्‍च, सेन्‍र माबीगारीस्‍च र सेन्‍र माओइलडीस्‍च आसीस नाखुरीकुङ लागी टयार जाटार डाम याम्‍हने।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।