मर्कूस 10:14 - पुर्वीय मगर

¹⁴ याङ्‍च डाङार येशू मीरीस ख्‍योव्‍हा र होखुरीककी डेया, “माजा बालखकोलाक ङा लेठाङ राखी यान्‍ही, होखुरीककी मारोकडीनी हीजैडेनाङ परमेश्‍वरौ राज्‍य इखुरीक ल्‍याक्‍चकुङ न हो।

मर्कूस 10:14 ပူးပေါင်းရင်းမြစ်များ

मत्ती 18:10

“होसीयार छान्‍नी, नाखुरीकै इसे मार्‌जाको मध्‍याङ काट जनाकीर हेला माजाट्‍नी। ङा नाखुरीककी डेले, स्‍वर्गाङ लेच होखुरीकुङ डुटको सढैँ स्‍वर्गुङ ङौ बोयो म्‍याहासाङ ङुम ङुले।

मत्ती 18:4

टर सुये इसे मार्‌जा बालक लेखा न लाहाकी नम्र खास्‍ले, होसे न स्‍वर्गौ राज्‍याङ पट्‍ट डेनाङ बाड्‍को छान्‍ले।

मत्ती 19:14

टर येशूये डेया, “मार्‌जा जजाकोलाक ङा लेठाङ राखी यान्‍ही होखुरीककी मारोक्‍डीनी। हीजैडेनाङ स्‍वर्गौ राज्‍य याङ्‍चकुङ न हो।”

मत्ती 5:10

धार्मिकतौ लागी डुख भोक्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 5:3

“लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मर्कूस 3:5

र होखुरीकुङ कठोर मीमनौ कारनै होसको डुखी छाना होटै मीरीसै होखुरीककी ङोसा र मीहुट छोक्‍च भर्मीकी डेया, “नाकुङ मीहुट टन्‍कडीनी।” अनी होचे मीहुट टन्‍कडीया र होच्‍यौ मीहुट गेपा।

मर्कूस 8:33

टर येशूये न्‍हुङ्‍लाक ल्‍हेसार लहो चेलाकोलाक ङोसा र पत्रुसकी होसकै इट डेयार हक्‍कारीया, “ए शैतान, ङा लकीङ नुङ्‍की क्‍योटो! हीजैडेनाङ नुओ मीमन परमेश्‍वर पट्‍टी माले, टर भर्मी पट्‌टी ले।”

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 3:5

येशूये डेया, “साँच्‍ची न ङा नाकोकी डेले, डी र आत्‍मा लकीङ माजन्‍मडीस्‍ठर सुर परमेश्‍वरौ राज्‍याङ पर्‌की माय्‍होक्‍ले।

प्रेरित 2:39

हीजैडेनाङ इसे प्रतिज्ञा नाखुरीक र नाखुरीकुङ सन्‍टानकुङ लागी र लो-लोस लेच पट्‍टकुङ लागी हो। इसे चहीँ पट्‍टकुङ लागी हो, सु-सुकी प्रभु कानुङ परमेश्‍वरै मेखोलै न आर्‌घाले।”

प्रेरित 3:25

परमेश्‍वरै अगमवक्‍ताको लकीङ याछ करार नाखुरीकुङ लागी हो, र परमेश्‍वरै नाखुरीकुङ पुर्खा अब्राहामखाटा जाट्‍च करार र नाखुरीकुङ लागी हो। परमेश्‍वरै अब्राहामकी डेया, ‘नाकुङ सन्‍टानको लकीङ ङा पृथ्‍वीयुङ पट्‍ट न जातिकोलाक आसीस याल्‍हे।’

२ टीमोठी 1:5

ङाकी नाको खाटा लेच होसे सोझो विश्‍वासौ सम्‍झना ले। नाकुङ बज्‍ये लोइस र मोइ युनीसमा खाटा र होसे सोझो विश्‍वास लेया। अझै र नाको खाटा होङ्‍च न विश्‍वास ले डेच ङौ विश्‍वास ले।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।

१ पट्‍रुस 2:2

चाम-चाम डीन्‍छ बालखै डुढ सोन्‍न्‍हाङ लेखा न नाखुरीक र परमेश्‍वरौ सत्‍य बचन गाकी मीमन जाट्‍नी, अनी होसे लकीङ नाखुरीक ल्‍होङ्‍ले र जीवाले।