मर्कूस 1:32 - पुर्वीय मगर

³² अनी होसनीक नाबीलाङ नाखान कीम्‍छन्‍हुइङ भर्मीकै येशू लेठाङ छाचको र भूत आत्‍मा लग्‍डीस्‍च भर्मीकोलाक राका।

मर्कूस 1:32 ပူးပေါင်းရင်းမြစ်များ

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मत्ती 8:16

नाम्‍बीक्‍रखीङ भर्मीकै भूत लक्‍डीस्‍च वास्‍टै भर्मीकोलाक येशू लेठाङ राका। होसकै वचनलकीङ भूतको छ्‍युका, र पट्‍ट न छाचकोलाक गेपाका।

मत्ती 8:17

इटजाट्‍न यशैया अगमवक्‍तै ङाक्‍च कुरा पुरा छाना, “होसको लहे न कानुङ कमजोरीको ला, अनी कानुङ रोगको सोटार आल्‍हा।”

मर्कूस 1:21

होटै येशू चेलाको खाटा कफर्नहुम सहराङ नुङा। होला टारखीङ म्‍हुङ बाट्‍च याकाङ होसकै यहूदीकुङ सभाङुच इमाङ नुङार परमेश्‍वरौ शिक्षा पाहाक्‍की ठाला।

मर्कूस 1:31

र येशू खेरेप नुङार होच्‍यो मीहुटाङ घोवार सोटा। होडीक न बेला होसकी जरै डास्‍की क्‍योटा र होचे होखुरीककी सेवा जाटा।

मर्कूस 3:2

होसकै म्‍हुङ बाट्‍च डीनाङ होसे भर्मीकी गेपाक्‍लेकी डेयार होसकोकी डोस लैडीकी डेम भर्मीको चीवा जाट्‍न ङुम्‍या।

लुका 4:40

होटै नाङ्‍खान कीम्‍खी पानाङ भर्मीकै अरु खाल-खालुङ बीरामी कोलाक येशू लेठाङ राका। र येशूये होखुरीक मीटाक मीहुट डाम पट्‍टकी गेपाका।

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।