मर्कूस 1:21 - पुर्वीय मगर

²¹ होटै येशू चेलाको खाटा कफर्नहुम सहराङ नुङा। होला टारखीङ म्‍हुङ बाट्‍च याकाङ होसकै यहूदीकुङ सभाङुच इमाङ नुङार परमेश्‍वरौ शिक्षा पाहाक्‍की ठाला।

मर्कूस 1:21 ပူးပေါင်းရင်းမြစ်များ

मत्ती 4:13

टर होसको नासरत डासार कफर्नहुम सहराङ ङुकी नुङा, इसे सहर चहीँ गालील टालौ खेरेप जबुलुन र नप्‍तालीको ङुच क्षेत्राङ पर्‌ले।

मत्ती 4:23

येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मर्कूस 1:20

अनी होखुरीककी तुरुन्‍तै येशूये आर्‌घा र होखुरीक लहो बोइ जब्‍दियाकी ज्‍यामी काम जाट्‍चको खाटा डुङ्‍गाङ न डासार होसकोकी डुटा।

मर्कूस 1:29

होटै येशू यहूदीकुङ सभाङुच इमीङ ख्‍योव्‍हार याकुब र युहन्‍ना खाटा सीमोन र अन्‍द्रियासौ इमाङ नुङा।

मर्कूस 1:33

सहरुङ पट्‍ट न भर्मीको होला इमौ गालामटुङाङ भेला छानन्‍या।

मर्कूस 1:39

होटै होसको गालील भरी होखुरीकुङ सभाङुच इम इमाङ सेछ समाचार सेटाक्‍चै र भूतकोलाक छ्‌युक्‍चै व्‍हा।

मर्कूस 10:1

येशू होसे ठाउँकी डासार यहूदियौ इलाकाङ र यर्दन नदियो पारी नुङा। होला भर्मीकुङ बाड्‍को भीड होसको लेठाङ राहार सढैँ लेखान फेरी होसकै होखुरीककी शिक्षा याखी ठाला।

मर्कूस 2:1

कायाक नीसयाक न्‍हुइङ येशू कफर्नहुमाङ ल्‍हेसा र भर्मीकै होसको इमाङ न ले डेम सेया।

मर्कूस 3:1

होटै फेरी येशू यहूदीकुङ सभा ङुच इमाङ नुङा। होला मीहुट छोक्‍च काट जना भर्मी लेया।

मर्कूस 6:2

म्‍हुङ बाट्‍च डीनाङ होसकै यहूदीकुङ सभा ङुच इमाङ परमेश्‍वरौ शिक्षा याखी ठाला। होसकुङ शिक्षा सेच वास्‍टै भर्मीको छक्‍क पर्‌या र डेया, “इसे भर्मीये इसे पट्‍ट न कुटै वार्‌हा? इसकोकी याछ इसे ज्ञान कुङ्‍च हो? होसकै याङ्‍च शक्‍तिशाली कामको कुट जाट्‍न जाट्‍की य्‍होका?

लुका 10:15

ए कफर्नहुमुङ भर्मीको, ही नाखुरीक स्‍वर्ग टाहार आदर डुप्‍ले डेम आर्‌मीट्‍ने? नाखुरीक च नरकाङ न टाखी पर्‌ले।”

लुका 13:10

होटै कायाक म्‍हुङ बाट्‍चनीक येशूये यहूदिकुङ सभा ङुच इमाङ पाहाक्‍ङ न लेया।

लुका 4:16

येशू मेखोल्‍हा होर्‌च सहर नासरताङ टाराहा, सढैँ लेखा न होसको म्‍हुङ बाट्‍च नीक शिक्षा याछ इमाङ नुङा र धर्मशास्‍त्र परेस्‍की डेम सोवा।

लुका 4:23

होसकै होखुरीककी डेया, “पक्‍का र नाखुरीकै ङाकी इसे न उखान डेले औँला, ‘ए बैड्‍य! लाहाकी न गेपाक्‍नी।’ नाखुरीकै ङाकी कफर्नहुमाङ जाट्‍नाङ लेखा लहो लाङ्‍घाङ सेन्‍र थाहा माढीन्‍च काम जाट्‍नी डेले औँला।”

प्रेरित 17:2

अनी पावल सधैँ लेखा न होसे सभा ङुच इम भीत्री नुङा। सोम हप्‍तासम्‍म धर्मशास्‍त्रओ कुरा लकीङ होखुरीक खाटा बहस जाट्‍की ङुवा।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।