मर्कूस 1:2 - पुर्वीय मगर

² यशैया अगमवक्‍तौ कीताबाङ इटजाट्‍न रीक्‍ङने, “ङोस्‍नी, ङा परमेश्‍वर, ङौ दूतकी नाकुङ अगाडी-अगाडी बीर्‌न्‍हकाले, अनी होचे न नाकुङ लाम तयार खास्‍ले।

मर्कूस 1:2 ပူးပေါင်းရင်းမြစ်များ

मत्ती 11:10

इसे आसको न हो सुओ बारेयाङ परमेश्‍वरै धर्मशास्‍त्राङ याङ्‍च डेमने, ‘ङोस्‍नी, ङा ङौ दूतकी नाकुङ अघी बीर्‌न्‍हकाले, अनी आसकै न नाकुङ अघी लाम तयार खास्‍ले।’

मत्ती 2:5

होखुरीकै डेया, “यहूदियुङ बेथलेहेम लाङ्‍घाङ, हीजैडेनाङ धर्मशास्‍त्राङ अगमवक्‍तै इसे बारेयाङ इट डेम रीक्‍ङने:

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

मत्ती 26:31

होडीक बेला येशूये चेलाकोलाक डेया, “छीनी नाबीक नाखुरीक पट्‍टको ङाकी डासार भोग्‍डीस्‍ले। हीजैडेनाङ धर्मशास्‍त्राङ याङ्‍च रीक्‍ङ ने, ‘ङा गोठ्‍लाकी साट्‍ले, अनी बगालुङ भेडाको पट्‍ट पट्‍टी छरपस्‍ट छान्‍ले।’

लुका 1:70

होसकै काल्‍हाकी शत्रुकुङ मीहुटीङ र काल्‍हाकी माजाक्‍चको लकीङ जीवाटाक्‍ले डेच कुरा लहो पवित्र अगमवक्‍ताकुङ मेङेरीङ खायाक लकीङ ङाक्‍ङन्‍या।

लुका 1:76

ए बालख, नाकोकी सर्वोच्‍चओ अगमवक्‍ता डेम पट्‍टकै चीन्‍डीले। हीजैडेनाङ नाको प्रभुओ अघी-अघी होसकुङ लाम टयार खास्‍की नुङ्‍ले।

लुका 18:31

येशूये बार्‍ह जना चेलाकोलाक काट पट्‍टी आल्‍हार डेया, “सेनी, काल्‍हा यरूशलेम पट्‍टी नुङ्‍ङ न ले। अगमवक्‍ताकै भर्मीयो मीजौ बारेयाङ रीक्‍च पट्‍ट न कुराको अब ओल्‍ल्‍हे।