मत्ती 9:2 - पुर्वीय मगर

² भर्मीकै पक्षाघातै छाम ओछ्‍यानाङ पर्च काट भर्मीकी खाट खाटा न बुवार येशू लेठाङ राका। होसकै होखुरीकुङ विश्‍वास डाङार पक्षाघात छान्‍चकी डेया, “ए मीजा, साहस जाटो, नुओ पाप क्षमा छान्‍नने।”

मत्ती 9:2 ပူးပေါင်းရင်းမြစ်များ

मत्ती 14:27

टर तुरुन्‍तै येशूये होखुरीककी डेया, “माबीर्‍हीनी, ङा न हो, साहास जाट्‍नी।”

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मत्ती 6:12

कानै जाट्‍च पापको क्षमा जाट्‍न यान्‍ही, कुटजाट्‍न कानै र कानुङ विरुधाङ पाप जाट्‍चकोलाक क्षमा याम्‍हने।

मत्ती 8:10

होच्‍यो याङ्‍च कुरा सेयार येशू छक्‍क पर्‌या अनी लहो न्‍हुङ-न्‍हुङ राछ भर्मीकोलाक डेया, “साँच्‍ची न, ङा नाखुरीककी डेले, इस्राएलाङ इडीक बाड्‍को विश्‍वास लेच ङै सुकीर माडुप्‍मने।

मत्ती 8:16

नाम्‍बीक्‍रखीङ भर्मीकै भूत लक्‍डीस्‍च वास्‍टै भर्मीकोलाक येशू लेठाङ राका। होसकै वचनलकीङ भूतको छ्‍युका, र पट्‍ट न छाचकोलाक गेपाका।

मत्ती 9:22

येशूये खार्‌लाप ल्‍हेसार न्‍हुङ्‍लाक ङोस्‍नाङ होसे मास्‍टोकी डाङा र होसकै डेया, “ए मास्‍टो मीजा, साहस जाट्‍नी, नाकुङ विश्‍वासै नाकोकी गेपाक्‍नने।” होडीक न बेला होसे मास्‍टो गेप्‍की क्‍योटा।

मत्ती 9:5

इसे भर्मीकी ‘नाकुङ पाप क्षमा छाना’ डेकी र ‘सोवार व्‍हानी’ डेकी कुसे चहीँ सजीलो ले?

मत्ती 9:6

टर ङा नाखुरीककी टान्‍हाक्‍ले, भर्मीयो मीजाकी पृथ्‍वीयाङ पाप क्षमा जाट्‍च अधिकार ले।” होटै होसे पक्षाघाती भर्मीकी डेया, “सोनी, नाकुङ खाट बुवार इमाङ नुङ्‍नी।”

मर्कूस 1:32

अनी होसनीक नाबीलाङ नाखान कीम्‍छन्‍हुइङ भर्मीकै येशू लेठाङ छाचको र भूत आत्‍मा लग्‍डीस्‍च भर्मीकोलाक राका।

मर्कूस 10:49

टब येशू टोङ्‍हा र डेया, “होसकी इला आर्‌घानी।” होटै होखुरीकै होसे अन्‍धाकी इट डेयार आर्‌घा, “आट जाटो र सोना, नाङ्‍की होसकै आर्‌घामन ले।”

मर्कूस 5:34

होटै येशूये होसकी डेया, “ए मास्‍टो मीजा, नुओ विश्‍वासै नाङ गेप्‍मने। शान्‍ति खाटा नुङ्‍ना। अब नाङ गेपा।”

मर्कूस 6:50

हीजैडेनाङ होसकोकी डाङार होखुरीक पट्‍ट न बीर्‍हीमन्‍या टर तुरुन्‍तै येशूये होखुरीककी डेया, “माबीर्‍हीनी, ङा न हो, साहस जाट्‍नी!”

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

युहन्‍ना 2:25

होसकोकी भर्मीयो बारेयाङ सुयेर पाहाक्‍की मापर्‌नन्‍या, हीजैडेनाङ होसकोकी भर्मीयो भीत्री मीमन थाहा लेया।

युहन्‍ना 21:5

टब येशूये होखुरीककी गीना, “ए डाजे-भाइको, नाखुरीक खाटा डीस्‍या ले?” होखुरीकै डेया, “अहँ काट र माघोमने।”

प्रेरित 14:9

पावलै ङाक्‍च होचे ढ्‍यान याहार सेम ङुमन्‍या। होटै पावलै होच्‍यौ मीटाहाङ सेम्‍हजा ङोसा र होसे भर्मीये होसे गेप्‍ले डेच विश्‍वास ले डेच कुरा डाङा।

प्रेरित 19:12

इला सम्‍म छाना की भर्मीकै पावलौ जीवाङ रुमाल र मीज्‍याट्‍रो छुवाकार बीरामीको लेठाङ आल्‍न्‍हन्‍या। इटजाट्‍न होखुरीकुङ जीउलकीङ रोग गेप्‍न्‍या र दुष्‍टआत्‍मा र ख्‍योम्‍हन्‍या।

प्रेरित 23:11

छीनी नाबीक प्रभुये पावलौ खेरेप टोङ्‍हार डेया, “पावल, साहास जाटो! कुटजाट्‍न नीये यरूशलेमाङ ङौ विषयाङ गबाही याहा, होटजाट्‍न न नीये रोमाङ र गबाही याखी पर्‌ले।”

याकुब 2:18

टर सुयेर आडेइ, “नाङ विश्‍वास जाट्‍ले, ङा च काम जाट्‍ले।” काम बीनुङ नुओ विश्‍वास ङाकी टान्‍हाको, र ङै जाट्‍च काम लकीङ ङा लहौ विश्‍वास नाङ्‍की टान्‍हाक्‍ले।