मत्ती 8:16 - पुर्वीय मगर

¹⁶ नाम्‍बीक्‍रखीङ भर्मीकै भूत लक्‍डीस्‍च वास्‍टै भर्मीकोलाक येशू लेठाङ राका। होसकै वचनलकीङ भूतको छ्‍युका, र पट्‍ट न छाचकोलाक गेपाका।

मत्ती 8:16 ပူးပေါင်းရင်းမြစ်များ

मत्ती 12:22

टब भर्मीकै भूत लक्‍डीसार मीमीक माडाङ्‍च र ङाक्‍की माय्‍होक्‍च काट भर्मीकी येशूलेठाङ राका। होसकै होसकी गेपाका अनी होचे डाङ्‍की र ङाक्‍की य्‍होका।

मत्ती 14:14

येशू टाहार डुङ्‍गालकीङ ख्‍योन्‍हाङ होला भर्मीकुङ बाड्‍को भीड डाङार होसकुङ मीमन डयै न्‍हेपा र होखुरीकुङ छाचकोलाक गेपाका।

मत्ती 8:15

होसकै पत्रुसौ गुमौ मीहुट छुवा र होसकी जरै डास्‍की क्‍योटा। अनी होसे सोवार ज्‍यामा गामा खासार होसकोकी याहा।

मत्ती 8:33

वाक आर्‌छाचको भोग्‍डीसार सहराङ नुङा। पट्‍ट न घटना र होसे भूत लक्‍डीस्‍च भर्मीकोलाक ही छानार गेपा डेम सेटाका।

मत्ती 9:2

भर्मीकै पक्षाघातै छाम ओछ्‍यानाङ पर्च काट भर्मीकी खाट खाटा न बुवार येशू लेठाङ राका। होसकै होखुरीकुङ विश्‍वास डाङार पक्षाघात छान्‍चकी डेया, “ए मीजा, साहस जाटो, नुओ पाप क्षमा छान्‍नने।”

मर्कूस 2:3

होडीक न बेला भर्मीको राहा, र बुलीजना भर्मीकै काट पक्षाघात छानार छाच भर्मीकी होसको लेठाङ बुवार राका।

मर्कूस 5:8

होचे इट डेया, हीजैडेनाङ येशूये होसकी डेमन्‍या, “ए अशुद्ध आत्‍मा, होसे भर्मी लकीङ ख्‍योम्‍ह रान्‍हा!”

मर्कूस 9:25

होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

लुका 13:12

होटै येशूये होसे मास्‍टोकी डाङार लाहा लेठाङ आर्‌घार इट डेया, “ए नानी, नाको अब इसे रोग लकीङ गेपा।”

लुका 4:40

होटै नाङ्‍खान कीम्‍खी पानाङ भर्मीकै अरु खाल-खालुङ बीरामी कोलाक येशू लेठाङ राका। र येशूये होखुरीक मीटाक मीहुट डाम पट्‍टकी गेपाका।

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।

प्रेरित 5:15

अगाडी ही-ही घटना छाना होच्‍यौ कारनै भर्मीकै लामाङ छाचकोलाक राकार डामन्‍या। हीजैडेनाङ पत्रुस रान्‍हाङ होच्‍यौ छाया मट्‍टै लेनाङ र छाचको मीटाक पर्‌ख्‍यौ डेम ओछ्‍यानको खाटा न होखुरीककी मीसाक्‍ङ डामन्‍या।