मत्ती 7:7 - पुर्वीय मगर

⁷ “ङेन्‍ही र नाखुरीककी याल्‍हे, पानी र नाखुरीकै डुप्‍ले, ढ्‍वाक-ढ्‍वाक जाट्‍नी र नाखुरीकुङ लागी गालाम फोस्‍ले।

मत्ती 7:7 ပူးပေါင်းရင်းမြစ်များ

मत्ती 18:19

फेरी ङा नाखुरीककी डेले, पृथ्‍वीयाङ नाखुरीक मध्‍याङ नीस जनै कुसेर कुराङ खाटार हीर कुरा ङेहा डेनाङ, स्‍वर्गाङ लेच ङौ परमेश्‍वर बोये नाखुरीकुङ लागी होसे याल्‍हे।

मत्ती 21:22

विश्‍वास जाटार प्रार्थनाङ ही ङेल्‍हे होसे नाखुरीकै डुप्‍ले।”

मत्ती 6:33

टर पहीले परमेश्‍वरौ राज्‍य र होसकुङ धार्मिकताकी पानी, अनी इसे पट्‍ट न ठोक नाखुरीकुङ लागी याल्‍हे।

मत्ती 7:11

होटबाटै नाखुरीक दुष्‍ट छानार च लहो मीजा कोलाक सेछ ठोकको याखी वार्‌ल्‍हे डेनाङ, झन स्‍वर्गाङ लेच नाखुरीकुङ बोये कुडीक वास्‍टै जाट्‍न होसकोखाटा ङेछकोलाक मजुङ ठोकको याल्‍हे।

मत्ती 7:8

हीजैडेनाङ सुये ङेल्‍हे होसकी याल्‍हे, सुये पाले, होचे डुप्‍ले, सुये ढ्‍वाक-ढ्‍वाक जाट्‍ले, होच्‍यो लागी गालाम फोस्‍ले।

मर्कूस 11:24

होटबाटै ङा नाखुरीककी डेले, नाखुरीकै प्रार्थना जाटार ही ङेहा होसे डुप्‍म भ्यामे डेयार विश्‍वास जाट्‍नी र होसे नाखुरीकुङ लागी छान्‍ले।

लुका 13:25

होडीक बेला इमुङ मीमुरुङ सोवार गालाम ठुन्‍ले। होटै नाखुरीक बाहीर लकीङ गालामकी ढ्‍वाक-ढ्‍वाक जाट्‍ले, ‘प्रभु, कानकी गालाम फोम यान्‍ही’। होटै होसकै डेले, ‘नाखुरीक सु आले र? ङा माचीन्‍डीले!’

लुका 18:1

होटै न्‍हुइङ येशूये चेलाकोलाक “सढैँ न प्रार्थना जाट्‍की पर्‌ले र नीरास छान्‍की माछान्‍ने” डेयार बुझडीकी होसकै होखुरीककी काट उखान डेया,

युहन्‍ना 15:16

नाखुरीकै ङाकी मारोजडीया, टर ङै नाखुरीककी रोजडीया। नाखुरीक नुङार सढैँ भरी ङुच मीस्‍या स्‍याटाक्‍नी डेयार ङै नाखुरीककी खटडीमने, नुङ्‍नी र मीस्‍या स्‍याटाक्‍नी। बोइखाटा ङौ म्‍यार्‌मीनाङ ही ङेल्‍हे, होसकै नाखुरीककी होसे याल्‍हे।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

याकुब 5:15

अनी विश्‍वास खाटा जाट्‍च प्रार्थनै छाचकी गेपाक्‍ले, र प्रभुये होसकी चङ्‍गाइ याल्‍हे। इडीक होचे पाप जाट्‍नेसा डेनाङ र होच्‍यौ पाप क्षमा छान्‍ले।

१ युहन्‍ना 3:22

अनी काल्‍है ही ङेल्‍हे, होसे होसकै काल्‍हाकी याल्‍हे, हीजैडेनाङ कानै होसकुङ आज्ञा मन्‍डीले र होसकोकी जाक्‍ङ सेच कामको जाट्‍ले।