मत्ती 7:25 - पुर्वीय मगर

²⁵ अनी नामास राहा, भल राहा, नाम्‍सु क्‍योसा र होसे इमाङ ठोका, टर होसे इम माफुटा। हीजैडेनाङ होसे इम चट्‍टान मीटाक खास्‍नन्‍या।

मत्ती 7:25 ပူးပေါင်းရင်းမြစ်များ

मत्ती 16:18

अब ङा नाङ्‍की डेले, नाङ पत्रुस हो (इच्‍यो अर्थ ‘पट्‍ठर’ हो।) इसे पट्‍ठर मीटाक ङा ङौ मण्‍डली खडा जाट्‍ले, अनी नरकुङ गालामको होसे मीटाक बीजय छान्‍की माय्‍होक्‍ले।

मत्ती 7:24

“होटबाटै सुये इसे ङौ वचन सेयार होसे अनुसार काम जाट्‍ले, होसे चहीँ काट बुद्धि लेच भर्मी ल्‍याक्‍च न हो, होचे लहो इम चट्‍टान मीटाक खासा।

मत्ती 7:26

टर सुये इसे ङौ वचन सेयार मामन्‍डीले, होसे चहीँ काट जना मुर्‌ख भर्मी ल्‍याक्‍च न हो, होचे लहो इम बालुवा मीटाक खासा।

मत्ती 7:27

नामास राहा, भल राहा, नाम्‍सु क्‍योसा र होसे इमाङ ठोका र होसे इम फुटा।”

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ पट्‍रुस 1:7

नाखुरीकुङ विश्‍वासौ इसे जाँच चहीँ, होसे म्‍हेयाङ खारीयार जाँच्‍डीच टर कायाक नास छानार नुङ्‍च सुन डेनाङ र वास्‍टै मुल्‍यवान ले। होटबाटै इडीक नाखुरीकुङ विश्‍वास साँचो ले डेनाङ जब येशू ख्रीष्‍ट राल्‍हे टब होडीक बेला नाखुरीक प्रशंसा, महीमा र आदरौ योग्‍य छान्‍ले।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।