मत्ती 6:9 - पुर्वीय मगर

⁹ टर नाखुरीक चहीँ इटजाट्‍न प्रार्थना जाट्‍नी: ‘ए स्‍वर्गाङ लेच कानुङ परमेश्‍वर बोइ, नाको पवित्र परमेश्‍वर हो डेम भर्मीकै वार्‌ख्‍यो।

मत्ती 6:9 ပူးပေါင်းရင်းမြစ်များ

मत्ती 10:29

ही काट पैसाङ नीस भँङ्‍गेरा मालुम्‍ल्‍हे र? टर होसे मध्‍याङ काट जा र नाखुरीकुङ परमेश्‍वर बोयो इच्‍छाबीना मासीले।

मत्ती 23:9

इसे पृथ्‍वीयाङ नाखुरीकै सुकीर ‘बोइ’ माडेकी, हीजैडेनाङ नाखुरीकुङ काट मट्‍टै बोइ ले, होसको स्‍वर्गाङ ले।

मत्ती 26:29

नाखुरीककी ङा डेले, ङाल्‍हौ बोयो राज्‍याङ नाखुरीक खाटा नयाँ अङ्‍गुरौ मड्‍य मागाठर ङा फेरी इसे मड्‍य मागाले।”

मत्ती 26:42

फेरी नुङार येशूये प्रार्थना जाटा, “ए ङौ बोइ, इडीक ङै मागाम इसे डुखौ कचौरा हटडीकी सम्‍भव माले डेनाङ, नाकुङ न इच्‍छा पुरा छान्‍ख्‍यो।”

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

मत्ती 5:48

कुटजाट्‍न नाखुरीकुङ स्‍वर्गाङ लेच बोइ सिद्ध ले, होटजाट्‍न न नाखुरीक र पट्‍ट कुराङ सिद्ध छान्‍नी।”

मत्ती 6:14

“इडीक नाखुरीकुङ विरुधाङ पाप जाट्‍चकोलाक नाखुरीकै क्षमा जाटा डेनाङ स्‍वर्गाङ लेच बोये र नाखुरीककी क्षमा जाट्‍ले।

मत्ती 6:6

टर जब नुओ प्रार्थना जाट्‍च बेला छान्‍ले, टब लहो कोठा भीत्री नुङ्‍ना र गालाम ठुनार गुप्‍टआङ लेच नुओ परमेश्‍वर बोइ खाटा प्रार्थना जाटो, र नीये गुप्‍टाङ ही-ही जाट्‍नने होसे डाङ्‍च नुओ परमेश्‍वर बोये नाङ्‍की इनाम याल्‍हे।

मत्ती 7:11

होटबाटै नाखुरीक दुष्‍ट छानार च लहो मीजा कोलाक सेछ ठोकको याखी वार्‌ल्‍हे डेनाङ, झन स्‍वर्गाङ लेच नाखुरीकुङ बोये कुडीक वास्‍टै जाट्‍न होसकोखाटा ङेछकोलाक मजुङ ठोकको याल्‍हे।

लुका 15:18

ङा ङाल्‍हौ बोइ लेठाङ नुङार डेले, ‘बोइ, ङै परमेश्‍वरौ र नाकुङ विरुद्धाङ पाप जाट्‍नने।

लुका 15:21

“होटै मीजै बोइकी इट डेया, ‘बोइ, ङै स्‍वर्ग र नाकुङ म्‍याहासाङ पाप जाट्‍नने। ङा फेरी नाकुङ मीजा डेकी ज्‍योस्‍च माले’

लुका 2:14

“सर्वोच्‍चोवाङ परमेश्‍वरकी महीमा, र पुथ्‍वीयाङ होसे भर्मीको खाटा मार्‍हाङ्‍नने होखुरीककी शान्‍ति।”

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

१ पट्‍रुस 1:17

प्रार्थना जाट्‍नाङ नाखुरीकै परमेश्‍वरकी बोइ डेयार पुकारीले। होसकै पट्‍ट न भर्मीकुङ लहा-लहे जाट्‍च काम अनुसार पक्षपात माजाट्‍न न्‍याय जाट्‍ले। होटबाटै जब सम्‍म नाखुरीक संसाराङ ङुले टब सम्‍म होसकुङ आदर जाट्‍च नाखुरीकुङ जीवन छान्‍ख्‍यौ।