मत्ती 6:5 - पुर्वीय मगर

⁵ “नाखुरीकै प्रार्थना जाट्‍नाङ ढोङ्‍गीकै लेखा माजाट्‍नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्‍हार भर्मीकै डाङ्‍ख्‍यौ डेम प्रार्थना जाट्‍की जाक्‍ले। साँच्‍ची न, ङा नाखुरीककी डेले, होखुरीकै डुप्‍की पर्च लहो इनाम डुप्‍म भ्‍यामने।

मत्ती 6:5 ပူးပေါင်းရင်းမြစ်များ

मत्ती 21:22

विश्‍वास जाटार प्रार्थनाङ ही ङेल्‍हे होसे नाखुरीकै डुप्‍ले।”

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 23:5

होखुरीक लहो पट्‍ट न काम अरु भर्मीकोलाक टान्‍हाक्‍कीयो लागी जाट्‍ले। होखुरीक लहो मीटार र पाखुराङ बा-बाड्‍सो व्‍यवस्‍था पत्र खासार छ्‍याक्‍ले, र लहो बढीनौ झुम्‍काको लोलोट्‍च खास्‍ले।

मत्ती 23:6

होखुरीक भोजाङ आदर डुप्‍च ठाउँको र यहूदीकुङ सभाङुच इमकोवाङ सेछ ठावाङ ङुकी मीमन जाट्‍ले।

मत्ती 6:1

“होसीयार छान्‍नी, नाखुरीक भर्मीकोलाक टान्‍हाक्‍कीयो लागी धर्म-कर्म माजाट्‍नी। नभा च नाखुरीकै स्‍वर्गाङ लेच नाखुरीकुङ बोइलकीङ हीर इनाम माडुप्‍ले।

मत्ती 6:16

“जब नाखुरीक हीर माज्‍याम उपवास ङुले, टब ढोङ्‌गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्‍हाक्‍कीयो लागी लहो मीटाहा उदास खास्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:2

“इटबाटै नाखुरीकै सुकीर दान यान्‍हाङ टुरही माआरम्‍हाट्‍नी, होङ्‍च च ढोङ्‍गीकै टी सभाङुच इमकोवाङ र लामकोवाङ भर्मीकोलकीङ प्रशंसा डुप्‍कीयोलागी जाट्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 9:38

होटबाटै फसलौ प्रभुकी प्रार्थना जाट्‍नी, अनी होसकोकी डेनी लहो फसलाङ य्‍हामीको बीर्‌न्‍हकानी।”

मर्कूस 11:25

जब नाखुरीक प्रार्थना जाट्‍की तयार छान्‍ले, इडीक नाखुरीकुङ सुओर विरुद्धाङ हीर ले डेनाङ क्षमा यान्‍ही। होटै स्‍वर्गाङ लेच नाखुरीकुङ बोये र नाखुरीकुङ पाप क्षमा जाट्‍न याल्‍हे।

मर्कूस 12:38

होटै शिक्षा यान्‍हाङ येशूये डेया, “धर्मगुरुको खाटा होसीयार छान्‍नी। होखुरीक लोट्‍च बढीन बील्‍खी र बजाराङ व्‍हानाङ लाहाकी मान जाट्‍ख्‍यौ डेच मीमन जाट्‍ले,

लुका 11:43

“नाखुरीक फरीसी भर्मीकोलाक ढीक्‍कार! हीजैडेनाङ यहूदिकुङ सभा ङुच इम-इमाङ नुङार मुख्‍य भर्मीको ङुच ठावाङ ङुकी पाले र बजाराङ अरुये झोर्‌ख्‍यौ डेम नाखुरीक मीमन जाट्‍ले।

लुका 18:1

होटै न्‍हुइङ येशूये चेलाकोलाक “सढैँ न प्रार्थना जाट्‍की पर्‌ले र नीरास छान्‍की माछान्‍ने” डेयार बुझडीकी होसकै होखुरीककी काट उखान डेया,

लुका 18:13

टर कर सोट्‍च भर्मी चहीँ लोस न टोङ्‌हार स्‍वर्गलाक ङोस्‍की आट माजाट्‍न लहो छाटीयाङ हीड्‍कडीचै डेया, ‘हे परमेश्‍वर, ङा ल्याक्च पापी मीटाक दया जाट्‍न यान्‍ही!’”

लुका 20:47

होखुरीकै बीढुवाकुङ इम-य्‍हा पट्‍ट न ठोक स्‍याट्‍ले र टान्‍हाक्‍कीयो लागी लो-लोट्‍च प्रार्थना जाट्‍ले। होटबाटै होखुरीकै न वास्‍टै दण्‍ड र डीन्‍ल्‍हे।”

लुका 6:24

टर ढीक्‍कार! चाहाँ धनी छान्‍चको, हीजैडेनाङ नाखुरीकै सुखौ डीन बीटडीम भ्‍यामने।

युहन्‍ना 16:24

चाहाँसम्‍म नाखुरीकै ङौ म्‍यार्‌मीनाङ हीर माङेम्‍हने। ङेन्‍ही र नाखुरीकै डुप्‍ले। अनी नाखुरीकुङ आनन्‍द पुरा छान्‍ले।

१ ठेसलोनीकी 5:17

सधैँभरी प्रार्थना जाट्‍न ङुनी।

याकुब 4:6

टर कानकी परमेश्‍वरै अझै वास्‍टै अनुग्रह याल्‍हे। होटबाटै धर्मशास्‍त्राङ इट डेयार रीक्‍ङने, “परमेश्‍वरै घमन्‍डीकुङ विरोध जाट्‍ले टर नम्रकोमीटाक प्रसस्‍त खाटा अनुग्रह जाट्‍ले।”