मत्ती 6:2 - पुर्वीय मगर

² “इटबाटै नाखुरीकै सुकीर दान यान्‍हाङ टुरही माआरम्‍हाट्‍नी, होङ्‍च च ढोङ्‍गीकै टी सभाङुच इमकोवाङ र लामकोवाङ भर्मीकोलकीङ प्रशंसा डुप्‍कीयोलागी जाट्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:2 ပူးပေါင်းရင်းမြစ်များ

मत्ती 15:7

ए कपटीको! यशैया अगवक्‍तै नाखुरीकुङ बारेयाङ ठीक अगमवाणी ङाका,

मत्ती 16:3

फेरी गोराक न नाखान ग्‍याच र छुम्‍छ छाना डेनाङ ‘छीनी च नामास राल्‍हे’ डेले। इटजाट्‍न सर्‌घाकी ङोसार डीन कुङ्‌च छान्‍ले डेम वार्‌खी य्‍होक्‍ले, टर इसे समयाङ छान्‍च घटनौ चीन्‍ह चहीँ नाखुरीक मावार्‌ल्‍हे।

मत्ती 22:18

टर येशूये होखुरीकुङ दुष्‍ट विचार थाहा डीन्‍हार डेया, “ए कपटीको, नाखुरीक हीजै ङाकी फसडीकी पाले?

मत्ती 23:5

होखुरीक लहो पट्‍ट न काम अरु भर्मीकोलाक टान्‍हाक्‍कीयो लागी जाट्‍ले। होखुरीक लहो मीटार र पाखुराङ बा-बाड्‍सो व्‍यवस्‍था पत्र खासार छ्‍याक्‍ले, र लहो बढीनौ झुम्‍काको लोलोट्‍च खास्‍ले।

मत्ती 23:6

होखुरीक भोजाङ आदर डुप्‍च ठाउँको र यहूदीकुङ सभाङुच इमकोवाङ सेछ ठावाङ ङुकी मीमन जाट्‍ले।

मत्ती 24:51

होटै होसकी बाड्‍को दन्‍ड याल्‍हे र नरकाङ होच्‍यो हालट चहीँ कपटीकुङ लेखा न छान्‍ले। होला भर्मीको राप्‍ले र मीस्‍याक जीक्‍ले।”

मत्ती 5:18

हीजैडेनाङ ङा साँच्‍ची न नाखुरीककी डेले, जबसम्‍म स्‍वर्ग र पृथ्‍वी म्‍हाटार मानुङ्‍ले टब सम्‍म व्‍यवस्‍थाङ लेच पट्‍ट न कुराको पुरा माछान्‍ठर कुसे कीसीमै र व्‍यवस्‍थालकीङ मार्‌जा-मार्‌जा कुराको र म्‍हाटार मानुङ्‍ले।

मत्ती 6:16

“जब नाखुरीक हीर माज्‍याम उपवास ङुले, टब ढोङ्‌गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्‍हाक्‍कीयो लागी लहो मीटाहा उदास खास्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:3

टर नाखुरीकै सुकीर दान यान्‍हाङ नुओ डोर मीहुटै ही जाट्‍न न ले होसे डेब्‍र्‌या मीहुटै थाहा माडीन्‍ख्‍यौ।

मत्ती 6:5

“नाखुरीकै प्रार्थना जाट्‍नाङ ढोङ्‍गीकै लेखा माजाट्‍नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्‍हार भर्मीकै डाङ्‍ख्‍यौ डेम प्रार्थना जाट्‍की जाक्‍ले। साँच्‍ची न, ङा नाखुरीककी डेले, होखुरीकै डुप्‍की पर्च लहो इनाम डुप्‍म भ्‍यामने।

मत्ती 7:5

ए कपटीको! पहीला लहो मीमीकुङ मुढा डोन्‍नी, टब अरुओ मीमीकीङ कसीङ्‍गर डोन्‍की नाकै छ्‍याङ्‍गै डाङ्‍की य्‍होक्‍ले।

मर्कूस 12:39

अनी सभाङुच इमाङ सेछ ठाउँ र भोजाङ आदर याख्‍यौ डेच मीमन जाट्‍ले।

मर्कूस 7:6

टब येशूये होखुरीककी डेया, “यशैया अगमवक्‍तै नाखुरीक कपटी मीमन लेचकुङ बारेयाङ ठीक खाटा इजाट्‍न अगमवाणी जाटा। परमेश्‍वरै इटजाट्‍न डेले ‘इसे जाटीये ङाकी मेङेरै मट्‍टै आदर जाट्‍ले टर होखुरीकुङ मीमन ङा लकीङ लोस ले।

लुका 11:41

नाखुरीक खाटा भीत्री हीले होसे यान्‍ही, होटै नाखुरीकुङ लागी पट्‍ट ठोक चोखो छान्‍ले।

लुका 11:43

“नाखुरीक फरीसी भर्मीकोलाक ढीक्‍कार! हीजैडेनाङ यहूदिकुङ सभा ङुच इम-इमाङ नुङार मुख्‍य भर्मीको ङुच ठावाङ ङुकी पाले र बजाराङ अरुये झोर्‌ख्‍यौ डेम नाखुरीक मीमन जाट्‍ले।

लुका 12:33

नाखुरीकुङ सम्‍पत्ति आर्‌लार हीर मालेच कोलाक यान्‍ही। लाहाकी डेम सेन्‍र माच्‍याछ ठैली खास्‍नी। होटै स्‍वर्गाङ सेन्‍र माभ्‍याच स्‍वर्गीय सम्‍पत्ति बटलीनी। होला खुस र मार्‍हाले, डुये र माज्‍याले।

लुका 12:56

ए, कपटीको! पृथ्‍वी र सर्‌घाकी ङोसार नामास राल्‍हे की माराल्‍हे डेम वार्‌खी च य्‍होक्‍ले, टर इसे समयाङ छान्‍न राछ घटनौ चीन्‍ह चहीँ हीजै मावार्‌ल्‍हे?

लुका 13:15

टर प्रभुये डेया, “ए कपटीको! ही म्‍हुङ बाट्‍च नीक नाखुरीकै ङ्‍हेट, भैसी कोलाक गोठीङ डासार डी कास्‍की माआल्‍ल्‍हे र?

लुका 20:46

“धर्मगुरुको लकीङ होसीयार छानार ङुनी। होखुरीक अरुकी टान्‍हाक्‍कीयो लागी लो-लोट्‍च बढीन बील्‍हार इलाक-आलाक व्‍हाले। बजाराङ लाहाकी भर्मीकै मान अट जाटै डेम पाम व्‍हाले र सभा ङुच इमाङ भोज ज्‍याच ठावाङ बा-बाड्‍सो भर्मीको ङुच ठावाङ ङुकी मीमन जाट्‍ले।

लुका 6:24

टर ढीक्‍कार! चाहाँ धनी छान्‍चको, हीजैडेनाङ नाखुरीकै सुखौ डीन बीटडीम भ्‍यामने।

लुका 6:42

नाको लहो मीमीकाङ लेच मुढा माडाङ्‍ले डेनाङ कुट जाट्‍न लहो भाइकी डेकी य्‍होक्‍ले, ‘ए भाइ, नाकुङ मीमीकुङ कसीङ्‍गर ङा डोन्‍न याल्‍हे’। ए कपटीको! पहीला लहो मीमीकुङ मुढा डोन्‍नी होटै टी भायो मीमीकुङ कसीङ्‍गर डोन्‍की छ्‍याङ्‍गै डाङ्‍की य्‍होक्‍ले।”

युहन्‍ना 13:29

हीजैडेनाङ यहूदासै होखुरीकुङ पैसौ ठैली डामन्‍या होटबाटै होखुरीक कुडीक जनै चहीँ येशूये होसकी चाडौ लागी चहडीस्‍च सामानको लोकी बीर्‌न्‍हकाच औँला डेम आर्‌मीटा, र कुडीक जनै चहीँ गरीबकोलाक पैसा याखी बीर्‌न्‍हकाच औँला डेम आर्‌मीटा।

युहन्‍ना 5:41

“ङै भर्मीकै याछ प्रशंसा पाच होइन।

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

युहन्‍ना 7:18

लहो बीचार लकीङ ङाक्‍चये चहीँ लहो न आदर पाले, टर लाहाकी बीर्‌न्‍हकाचौ आदर पाच भर्मी चहीँ सत्‍य हो, होसे खाटा छल माछान्‍ले।

प्रेरित 10:2

होसे परमेश्‍वराङ भक्‍टी जाट्‍च भर्मी लेया अनी होसे र होच्‍यौ पट्‍ट न जाहानको परमेश्‍वर खाटा बीर्‍हीमन्‍या। होचे गरीबकोलाक भीत्री मीमनीङ सहायटा जाट्‍चै र सधैँ परमेश्‍वर खाटा प्रार्थना जाट्‍नन्‍या।

प्रेरित 10:31

र डेया, ‘ए कर्नेलियस, परमेश्‍वरै नुओ प्रार्थना सेमने र नीये गरीबकोलाक याछ दानौ बारेयाङ होसकै आर्‌मीट्‍न ने।

प्रेरित 10:4

अनी कर्नेलियस बीर्‍हीयार स्‍वर्गदूतकी सेम्‍हजा ङोसार डेया, “हजुर, प्रभु?” स्‍वर्गदूतै होसकी डेया, “नुओ प्रार्थना र नीये गरीबकोलाक जाट्‍च सहायटाकुङ पट्‍ट न कुरा परमेश्‍वर लेठाङ टाम्‍हने र होसे पट्‍ट न होसकै आर्‌मीट्‍न डामने।

प्रेरित 11:29

होटै याङ्‍च कुरा सेयार पट्‍ट न विश्‍वासीकै लाहा-लहे य्‍होक्‍ठर यहूदियाङ ङुच डाजे-भाइकुङ सहायटौ लागी भेटी याम्‍हकाच नीस्‍चय जाटा।

प्रेरित 24:17

“वास्‍टै वर्ष न्‍हुइङ लहो जातिकुङ लागी डान र परमेश्‍वरकी भेटी याखी डेम ङा यरूशलेमाङ ल्‍हेस्‍न राछ हो।

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

१ ठेसलोनीकी 2:6

कानै नाखुरीक लकीङ अठबा अरु सुर भर्मी लकीङ प्रशंसा मापा। कान ख्रीष्‍टौ प्रेरित छान्‍च हैसीयटै नाखुरीक मीटाक अधिकार जाट्‍की य्‍होक्‍च लेया।

१ टीमोठी 6:18

भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

१ पट्‍रुस 4:11

ङाक्‍च वरदान डुप्‍चये परमेश्‍वरौ बचन ङाक्‍ख्‍यौ, सेवा जाट्‍चये परमेश्‍वरौ शक्‍तिये सेवा जाट्‍ख्‍यौ। इटजाट्‍न येशू ख्रीष्‍ट लकीङ पट्‍ट न कुराकोवाङ परमेश्‍वरकी न महीमा छान्‍ख्‍यौ। सधैँभरी होसकुङ न महीमा र शक्‍ति छान्‍न ङुख्‍यौ! आमेन।