मत्ती 6:1 - पुर्वीय मगर

¹ “होसीयार छान्‍नी, नाखुरीक भर्मीकोलाक टान्‍हाक्‍कीयो लागी धर्म-कर्म माजाट्‍नी। नभा च नाखुरीकै स्‍वर्गाङ लेच नाखुरीकुङ बोइलकीङ हीर इनाम माडुप्‍ले।

मत्ती 6:1 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:6

येशूये होखुरीककी डेया, “होसीयार छान्‍नी, फरीसी र सदुकीकुङ खमीर लकीङ जोगडीसार ङुनी।”

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 23:5

होखुरीक लहो पट्‍ट न काम अरु भर्मीकोलाक टान्‍हाक्‍कीयो लागी जाट्‍ले। होखुरीक लहो मीटार र पाखुराङ बा-बाड्‍सो व्‍यवस्‍था पत्र खासार छ्‍याक्‍ले, र लहो बढीनौ झुम्‍काको लोलोट्‍च खास्‍ले।

मत्ती 25:40

टब राजै होखुरीककी जवाफ याहार डेले, ‘साँच्‍ची न, ङा नाखुरीककी डेले, इसे ङौ भाइकोमध्‍याङ पट्‍ट डेनाङ काट मार्‌जाकी नाखुरीकै ही सेछ जाटा, होसे ङौ लागी न जाट्‍च हो।’

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

मत्ती 5:46

इडीक नाखुरीककी माया जाट्‍चकोलाक मट्‍टै माया जाटा डेनाङ नाखुरीकै ही इनाम डुप्‍की य्‍होक्‍ले र? ही होट च कर सोट्‍चकै र होटन माजाट्‍ले र?

मत्ती 5:48

कुटजाट्‍न नाखुरीकुङ स्‍वर्गाङ लेच बोइ सिद्ध ले, होटजाट्‍न न नाखुरीक र पट्‍ट कुराङ सिद्ध छान्‍नी।”

मत्ती 6:16

“जब नाखुरीक हीर माज्‍याम उपवास ङुले, टब ढोङ्‌गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्‍हाक्‍कीयो लागी लहो मीटाहा उदास खास्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:9

टर नाखुरीक चहीँ इटजाट्‍न प्रार्थना जाट्‍नी: ‘ए स्‍वर्गाङ लेच कानुङ परमेश्‍वर बोइ, नाको पवित्र परमेश्‍वर हो डेम भर्मीकै वार्‌ख्‍यो।

मर्कूस 8:15

येशूये चेलाकोलाक इट डेयार चेटावनी याहा, “नाखुरीक फरीसीकुङ खमीर र हेरोद राजा लकीङ होसीयार छानार ङुनी।”

लुका 11:35

होटबाटै होसीयार छान्‍नी, नाको खाटा लेच ट्‍याङ्‌छ छुम्‍छ माछान्‍ख्‍यौ।

लुका 12:1

होला हील्‍की माय्‍होक्‍ङ वास्‍टै भर्मीको ढुसा-ढुस जाट्‍चै भेला छानन्‍या। होटै येशूये पहीला लहो चेलाकोलाक इट डेया, “नाखुरीक फरीसीकुङ कपटी ब्‍यहोरा लकीङ जोगोडीस्‍नी। होसे कपट चहीँ खमीर ल्याक्च न हो।

लुका 12:15

होटै न्‍हुइङ होला लेच भर्मीकोलाक होसकै डेया, “होस जाट्‍नी! पट्‍ट खाल्‍या लोभ जाट्‍की लकीङ जोगडीस्‍नी। हीजैडेनाङ धन सम्‍पत्ति कुडीक न वास्‍टै लेनाङ र होचे भर्मीकी जीवन चहीँ मायाल्‍हे।”

लुका 16:15

होटै येशूये होखुरीककी इट डेया, “नाखुरीक भर्मीकुङ म्‍याहासाङ लाहाकी धर्मी खास्‍की च पाले, टर परमेश्‍वरै नाखुरीकुङ मीमन की वार्‌ल्‍हे। हीजैडेनाङ भर्मीकै ही की बाड्‍को खास्‍नने, परमेश्‍वरौ म्‍याहासाङ होसे झीर्‌न सेच छान्‍ले।

युहन्‍ना 12:43

हीजैडेनाङ होखुरीकै परमेश्‍वरलकीङ डुप्‍च प्रशंसा डेनाङ भर्मीकोलकीङ डुप्‍च प्रशंसा जाक्‍ङन्‍या।

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

प्रेरित 3:12

अनी पत्रुसै होखुरीककी ङोसार डेया, “ए इस्राएलुङ भर्मीको, इसे कुराङ नाखुरीक हीजै अचम्‍म मन्‍डीचै ङोस्‍च? ही कानै लहो शक्‍ति र भक्‍टीये इसकी व्‍हाकी य्‍होक्‍च खास्‍च हो र?

२ युहन्‍ना 1:8

होटबाटै होसीयार छान्‍की, कुसे कुरौ लागी काल्‍है काम जाट्‍नन्‍या, होच्‍यौ डुप्‍की पर्च इनाम म्‍हाटाक्‍च होइन टर पट्‍ट न डुप्‍च छान्‍नी।