मत्ती 5:7 - पुर्वीय मगर

⁷ दया जाट्‍चको कुडीक आसीस डुप्‍चको ले! हीजैडेनाङ होखुरीकै दया डुप्‍ले।

मत्ती 5:7 ပူးပေါင်းရင်းမြစ်များ

मर्कूस 11:25

जब नाखुरीक प्रार्थना जाट्‍की तयार छान्‍ले, इडीक नाखुरीकुङ सुओर विरुद्धाङ हीर ले डेनाङ क्षमा यान्‍ही। होटै स्‍वर्गाङ लेच नाखुरीकुङ बोये र नाखुरीकुङ पाप क्षमा जाट्‍न याल्‍हे।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

१ टीमोठी 1:13

छान्‍कीयो लागी च ङै पहीला होसकुङ निन्‍दा जाटा, होसकोकी विश्‍वास जाट्‍च भर्मीकोलाक खेडो जाटा र अपमान जाटा। टर होडीक बेला ङौ विश्‍वास मालेया, र इसे कुराको ङै माव्‍हार्‌न न जाट्‍च बाटै ङाकी ख्रीष्‍टै कृपा जाटा।

१ टीमोठी 1:16

टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

याकुब 2:13

हीजैडेनाङ कुसे भर्मीये अरु भर्मीकी दया माजाट्‍न ने, होच्‍यौ न्‍याय र परमेश्‍वरै दया माडाम न जाट्‍ले। टर दया चहीँ न्‍याय मीटाक बीजयी छान्‍ले।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

१ पट्‍रुस 2:10

पहीला च नाखुरीक परमेश्‍वरौ भर्मी मालेया, टर अब च नाखुरीक परमेश्‍वरौ भर्मी छान्‍नने। पहीला नाखुरीकै परमेश्‍वरौ कृपा माडुप्‍मन्‍या, टर अब च नाखुरीकै परमेश्‍वरौ कृपा डुप्‍मने।