मत्ती 5:44 - पुर्वीय मगर

⁴⁴ टर ङा नाखुरीककी डेले, लहो शत्रुकोलाक माया जाट्‍नी, र नाखुरीककी खेडो जाट्‍चकुङ लागी प्रार्थना जाट्‍नी।

मत्ती 5:44 ပူးပေါင်းရင်းမြစ်များ

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

युहन्‍ना 13:34

होटबाटै अब ङा नाखुरीककी काट नयाँ आज्ञा याल्‍हे, नाखुरीक काटै अर्‌कोकी माया जाट्‍की। कुटजाट्‍न ङै नाखुरीककी माया जाट्‍नने, होटजाट्‍न न नाखुरीकै र काटै अर्‌कोकी माया जाट्‍की।

प्रेरित 16:28

टर पावलै बाड्‍को सोरै डेया, “नाकै लाहाकी हीर हानी माजाट्‍नी, हीजैडेनाङ कान पट्‍ट न इला न ले!”

प्रेरित 7:60

अनी होचे घुँडा टुसार बाड्‍को सोरै च्‍याकार डेया, “ए प्रभु, इसे पापौ दोष इखुरीककी मालक्‍डीसख्‍यौ।” इट डेयार होचे प्राण डासा।

१ ठेसलोनीकी 5:15

नाखुरीकुङ मीघ्‍याङ सुयेर खराबी जाटा डेनाङ होच्‍यो बडला खराबी माजाट्‍नी, टर काटै काट्‍की र पट्‍ट भर्मीकोलाक भलाइ जाट्‍च मीमन जाट्‍नी।

१ पट्‍रुस 2:23

भर्मीकै होसकोकी अपमान जाट्‍नाङ होसकै जवाफ माल्‍हेटा। कष्‍ट भोग्‍डीनाङ होसकै ढम्‍की माय्‍हा टर ठीकखाटा न्‍याय जाट्‍च परमेश्‍वर मीटाक न होसकै भरोसा डा।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।