मत्ती 5:3 - पुर्वीय मगर

³ “लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 5:3 ပူးပေါင်းရင်းမြစ်များ

मत्ती 11:25

होडीक बेला येशूये डेया, “ए बोइ, स्‍वर्ग र पृथ्‍वीयुङ प्रभु, ङा नाकोकी धन्‍यवाद डेले, हीजैडेनाङ नाकै इसे कुराको बुद्धिमान र समझदारी लकीङ आर्‌च्‍युकार डा, टर मार्‌जा बालखको ल्‍याक्‍चकोलाक होसे टान्‍हाका।

मत्ती 11:6

ङौ बारेयाङ सङ्‍का माजाट्‍च भर्मी साँच्‍ची न आसीस डुप्‍च हो।”

मत्ती 13:16

“टर नाखुरीकुङ मीमीक आसीसीट ले, हीजैडेनाङ होचे डाङ्‍ले। अनी नाखुरीकुङ मेनेकेप आसीसीट ले, हीजैडेनाङ होचे सेले।

मत्ती 19:14

टर येशूये डेया, “मार्‌जा जजाकोलाक ङा लेठाङ राखी यान्‍ही होखुरीककी मारोक्‍डीनी। हीजैडेनाङ स्‍वर्गौ राज्‍य याङ्‍चकुङ न हो।”

मत्ती 24:46

इमुङ मीमुरुङ ल्‍हेसार रान्‍हाङ होटजाट्‍न न काम जाट्‍न ङुच डुपा डेनाङ झन होसकी स्‍याबास याल्‍हे।

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 8:11

ङा नाखुरीककी डेले, वास्‍टै अन्‍यजातिको पूर्व र पस्‍चीमलकीङ राल्‍हे, र अब्राहाम, इसहाक र याकुबखाटा स्‍वर्गौ राज्‍यौ भोजाङ ज्‍याकी ङुले।

मर्कूस 10:14

याङ्‍च डाङार येशू मीरीस ख्‍योव्‍हा र होखुरीककी डेया, “माजा बालखकोलाक ङा लेठाङ राखी यान्‍ही, होखुरीककी मारोकडीनी हीजैडेनाङ परमेश्‍वरौ राज्‍य इखुरीक ल्‍याक्‍चकुङ न हो।

लुका 11:28

टर येशूये डेया, “परमेश्‍वरौ बचन सेयार सुये मन्‍डीले होखुरीक टी आसीस डुप्‍चको हो!”

लुका 18:14

होटै येशूये डेया, “ङा नाखुरीककी डेले, होसे फरीसी डेनाङ बरु कर सोट्‍च भर्मी चहीँ परमेश्‍वरौ म्‍याहासाङ धर्मी ठहरीसार लहो इमाङ ल्‍हेसा। सुये लाहाकी माजा खास्‍ले, होसे बाड्‍को छान्‍ले टर सुये लाहाकी बाड्‍को खास्‍ले होसे माजा छान्‍ले।”

लुका 22:29

कुटजाट्‍न ङौ बोये ङाकी काट राज्‍य याम्‍हने, ङा र नाखुरीककी याल्‍हे।

लुका 22:30

होटै ङौ राज्‍याङ नाखुरीक ङाखाटा काट ठावाङ ङुवार ज्‍याले र गाले। होटै सीहासनाङ ङुवार इस्राएलुङ बार्‍ह कुलौ न्‍याय जाट्‍ले।”

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

युहन्‍ना 20:29

टब येशूये थोमाकी डेया, “नीये च ङाकी डाङ्‍च बाटै विश्‍वास जाट्‍च हो, टर होखुरीक कुडीक आसीस डुप्‍चकोले, ङाकी माडाङ्‍नाङ र होखुरीकै विश्‍वास जाट्‍ले।”

याकुब 1:10

टर धनी विश्‍वासी डाजेभाइको र डै बहीनीको चहीँ लाहा गरीब छान्‍च अवस्‍ठाङ मार्‍हाङ्‍नी, हीजैडेनाङ धनी भर्मी च जङ्‍गलाङ वाट्‍च सार ल्‍याक्‍च न हो होसे ओइलडीसार नुङ्‍ले।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?