मत्ती 5:11 - पुर्वीय मगर

¹¹ “नाखुरीक आसीस डुप्‍चको हो, जब ङाकी विश्‍वास जाट्‍च कारनै नाखुरीककी भर्मीकै निन्‍दा जाट्‍ले र सटडीले, र झुटो ङाकार नाखुरीकुङ विरुद्धाङ पट्‍ट खालुङ मासेछ कुराको डेले।

मत्ती 5:11 ပူးပေါင်းရင်းမြစ်များ

मत्ती 10:18

नाखुरीककी ङौ खाटीर हाकीम र राजाकुङ म्‍याहासाङ टोङ्‍हाक्‍ले। होखुरीक र अन्‍यजातिकुङ लागी नाखुरीक साक्षी छान्‍ले।

मत्ती 10:22

ङाकी विश्‍वास जाट्‍च बाटै नाखुरीककी पट्‍टकै झीर्‌ले। टर सु न्‍हुइङ सम्‍म न स्‍थिर ङुले, होसकी न जीवाक्‍ले।

मत्ती 10:25

चेलै लहो गुरु ल्‍याक्‍च छान्‍नाङ सन्‍टोक मन्‍डीख्‍यो, होटजाट्‍न न नोकरै र लहो मालीक ल्‍याक्‍च छान्‍नाङ सन्‍टोक मन्‍डीख्‍यो। इडीक होखुरीकै इमुङ मालीककी न भूतौ राजा बालजीबुल डेले डेनाङ, होच्‍यो जाहानकोलाक झन कुडीक मासेछ डेले औँला?

मत्ती 10:39

सुये लहो जीवन जोगडीकी पाले होचे होसे गुमडीले, टर लहो जीवन ङौ लागी गुमडीचये चहीँ होसे डुप्‍ले।

मत्ती 19:29

ङौ म्‍यार्‌मीनौ खाटीर सु-सुये लहो इम, डाजेभाइको, डै-बहीनीको, मोइ-बोइ, मीजाको, जग्‍गाको डास्‍ले, होचे इसे डेनाङ सय गुना वास्‍टै डुप्‍ले र सेन्‍र मासीच जीवन र डुप्‍ले।

मत्ती 24:9

“टब होडीक बेला भर्मीकै नाखुरीककी कष्‍टौ लागी घोवार आल्‍हे र साट्‍ले। अनी ङाकी विश्‍वास जाट्‍च बाटै पट्‍ट न जाटीयुङ भर्मीकै नाखुरीककी झीर्‌ले।

मत्ती 27:39

होसे लामीङ व्‍हाच पट्‍ट न भर्मीकै मीटालु होयोक्‍चै येशूकी गील्‍ला जाटा

मर्कूस 13:13

र ङाकी विश्‍वास जाट्‍च बाटै नाखुरीककी पट्‍टकै माजाक्‍ले। टर सु अन्‍टीम डीन सम्‍म स्‍थिर ङुले होच्‍यौ न उद्धार छान्‍ले।

मर्कूस 13:9

“नाखुरीक लहो बारेयाङ होसीयार छानार ङुनी। भर्मीकै घोवार नाखुरीककी अडालटाङ आल्‍हे। नाखुरीककी सभाङुच इमकोवाङ आल्‍हार डुङ्‍ले। हीजैडेनाङ नाखुरीकै ङाकी डुट्‍चबाटै हाकीमको र राजाकुङ म्‍याहासाङ ङौ बारेयाङ गबाही याखी डेम नाखुरीक खडा छान्‍ले।

मर्कूस 4:17

टर होखुरीकै जरा माकाच बाटै ठोरै डीन सम्‍म मट्‍टै ङुले। जब परमेश्‍वरौ बचनौ कारनै सङ्कष्‍ट वा सतावट राल्‍हे, होखुरीक तुरुन्‍तै विश्‍वास जाट्‍की डास्‍ले।”

मर्कूस 8:35

हीजैडेनाङ सुये लहो जीवन जीवाक्‍च मीमन जाट्‍ले, होचे होसे गुमडीले, टर ङौ र सेछ समाचारौ लागी लहो जीवन गुमडीचये चहीँ होसे जीवाक्‍ले।

लुका 21:12

“टर इसे पट्‍ट कुराको छान्‍की डेनाङ अगाडी भर्मीकै नाखुरीककी ङाकी विश्‍वास जाट्‍च बाटै घोले, सटडीयार होटै यहूदीकुङ सभा ङुच इमाङ जीम्‍मा याल्‍हे। झ्‍यालखानाङ आल्‍हार ठुन्‍ले। नाखुरीककी होखुरीकै राजा र शासककुङ अगाडी आल्‍हे।

लुका 21:17

ङाकी विश्‍वास जाट्‍च बाटै नाखुरीककी पट्‍ट भर्मीकै माजाक्‍ले।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

लुका 9:24

हीजैडेनाङ सुये लहो प्राण जीवाक्‍च मीमन जाट्‍ले होचे होसे गुमडीले। टर सुये ङौ लागी लहो प्राण गुमडीले होचे होसे जीवाक्‍ले।

युहन्‍ना 15:21

टर नाखुरीक ङौ छान्‍च बाटै भर्मीकै नाखुरीककी इसे पट्‍ट न कुरा जाट्‍ले, हीजैडेनाङ होखुरीकै ङाकी बीर्‌न्‍हकाचकी माचीन्‍डीले।

युहन्‍ना 9:28

याङ्‍च कुरा सेयार यहूदी अगुवाको होसकी च्‍याक्‍चै डेया, “नाङ टी होसे भर्मीयो चेला हो ट, कान च मोशौ चेला हो।

प्रेरित 9:16

र ङौ म्‍यार्‌मीनौ लागी होचे कुडीक कष्‍ट भोग्‍डीकी पर्‌ले, डेम ङा होसकी टान्‍हाक्‍ले।”

१ पट्‍रुस 2:23

भर्मीकै होसकोकी अपमान जाट्‍नाङ होसकै जवाफ माल्‍हेटा। कष्‍ट भोग्‍डीनाङ होसकै ढम्‍की माय्‍हा टर ठीकखाटा न्‍याय जाट्‍च परमेश्‍वर मीटाक न होसकै भरोसा डा।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।