मत्ती 5:10 - पुर्वीय मगर

¹⁰ धार्मिकतौ लागी डुख भोक्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 5:10 ပူးပေါင်းရင်းမြစ်များ

मत्ती 10:23

जब होखुरीकै नाखुरीककी काट सहराङ सटडीले टब अर्‌को सहराङ भोक्‍डीस्‍नी। साँच्‍ची न ङा नाखुरीककी डेले, भर्मीयो मीजा राखी अगाडी नाखुरीकै पट्‍ट न इस्राएलुङ सहरकोवाङ काम जाट्‍न भ्‍याच माछान्‍ले।

मत्ती 19:14

टर येशूये डेया, “मार्‌जा जजाकोलाक ङा लेठाङ राखी यान्‍ही होखुरीककी मारोक्‍डीनी। हीजैडेनाङ स्‍वर्गौ राज्‍य याङ्‍चकुङ न हो।”

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

मत्ती 5:3

“लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मर्कूस 10:14

याङ्‍च डाङार येशू मीरीस ख्‍योव्‍हा र होखुरीककी डेया, “माजा बालखकोलाक ङा लेठाङ राखी यान्‍ही, होखुरीककी मारोकडीनी हीजैडेनाङ परमेश्‍वरौ राज्‍य इखुरीक ल्‍याक्‍चकुङ न हो।

मर्कूस 10:30

होखुरीकै इसे न समयाङ सय गुना बढी इम, मोइ बोइ, डाजेभाइ, डै बहीनी, मीजाको र जग्‍गा जमीन डुप्‍ले होटै सतावट र राल्‍हे टर राछ युगाङ सेन्‍र मासीच जीवन डुप्‍ले।

लुका 21:12

“टर इसे पट्‍ट कुराको छान्‍की डेनाङ अगाडी भर्मीकै नाखुरीककी ङाकी विश्‍वास जाट्‍च बाटै घोले, सटडीयार होटै यहूदीकुङ सभा ङुच इमाङ जीम्‍मा याल्‍हे। झ्‍यालखानाङ आल्‍हार ठुन्‍ले। नाखुरीककी होखुरीकै राजा र शासककुङ अगाडी आल्‍हे।

लुका 22:29

कुटजाट्‍न ङौ बोये ङाकी काट राज्‍य याम्‍हने, ङा र नाखुरीककी याल्‍हे।

लुका 6:20

होटै येशूये मेखोल्‍हौ चेलाकोलाक ङोसार डेया, “ए गरीबको, नाखुरीक आसीस डुप्‍चको हो हीजैडेनाङ परमेश्‍वरौ राज्‍य नाखुरीकुङ न हो।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

युहन्‍ना 15:20

‘नोकर मालीक डेनाङ बाड्‍को माछान्‍ले’ डेयार ङै नाखुरीककी डेच कुरा आर्मीट्‍नी। होखुरीकै ङाकी खेडो जाटा डेनाङ नाखुरीककी र खेडो जाट्‍ले। होटजाट्‍न न होखुरीकै ङौ शिक्षा मन्‍डीया डेनाङ नाखुरीकै डेच कुरा र मन्‍डीले।

प्रेरित 5:40

होटै महासभाङ लेच भर्मीकै गमलीएलौ सल्‍हा मन्‍डीया। अनी होखुरीकै प्रेरितकोलाक भीत्री आर्‌घा र होखुरीककी डुङ्‍की सीपाहीकोलाक लैडीयार “अब येशूओ म्‍यार्‌मीनाङ नाखुरीकै हीर मापाहाक्‍की” डेम कडा आज्ञा याहार होखुरीककी डास्‍न याहा।

प्रेरित 8:1

स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।

२ टीमोठी 2:12

इडीक काल्‍है होसकुङ लागी डुख सहडीले डेनाङ होसकोखाटा न राज्‍य र जाट्‍ले। होसकोकी काल्‍है इन्‍कार जाटा डेनाङ होसकै र काल्‍हाकी इन्‍कार जाट्‍ले।

२ टीमोठी 3:11

एन्‍टीओखीया, आइकोनीयन र लुस्‍त्राङ ङै भोग्‍डीच डुःख नाकै सेम्‍हजा बुझडीस्‍नने। टर प्रभुये न ङाकी होसे पट्‍ट न आपटको लकीङ जीवाटाका।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 5:11

डुख कष्‍टकोवाङ धैर्य जाट्‍च भर्मीको आसीस डुप्‍चको छान्‍ले। अयुबै धैर्य जाट्‍च बारेयाङ च नाखुरीकै सेमने। अनी अन्‍टीमाङ प्रभुये कुटजाट्‍न होसकी सेछ कुराकै न्‍हेपाक्‍ङ याहा, होसे र नाखुरीकै वार्‌न्‍हने। भर्मीकुङ लागी प्रभु दया र कृपै न्‍हेप्‍च ले।

१ युहन्‍ना 3:12

नाखुरीक कयीन ल्‍याक्‍च छान्‍की माछान्‍ने। होसे शैतानलकीङ राछ भर्मी लेया र होचे लहो भाइ हाबीलकी साटा। होचे लहो भाइकी हीजै साटा? हीजैडेनाङ होच्‍यौ कामको दुष्‍ट लेया, टर भायो कामको चहीँ असल लेया।