मत्ती 4:23 - पुर्वीय मगर

²³ येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मत्ती 4:23 ပူးပေါင်းရင်းမြစ်များ

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 12:9

होटै ख्‍योहार येशू होखुरीकुङ सभाङुच इमाङ नुङा।

मत्ती 13:19

जब सुयेर स्‍वर्गौ राज्‍यौ वचन सेले, र होसे माबुझडीसा डेनाङ शैतान राहार होच्‍यौ रीदयाङ ही भेरेट्‍नन्‍या होसे खुसार आल्‍हे। इसे चहीँ होसे लामाङ पर्च छोयौ उदाहरण लेखा न हो।

मत्ती 13:54

अनी लोहो इम लेच नासरत सहराङ राहा। होला होसकै भर्मीकोलाक होखुरीकुङ सभा ङुच इमाङ याङ्‍च शिक्षा याखी ठाला। होखुरीक छक्‍क पर्‌चै डेया, “इसकी याङ्‍च बुद्धि र अचम्‍मौ काम जाट्‍च शक्‍तिको कुटै डुपा?

मत्ती 14:14

येशू टाहार डुङ्‍गालकीङ ख्‍योन्‍हाङ होला भर्मीकुङ बाड्‍को भीड डाङार होसकुङ मीमन डयै न्‍हेपा र होखुरीकुङ छाचकोलाक गेपाका।

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 9:35

येशूये होखुरीकुङ पट्‍ट न सहरको र लाङ्‍घुङ सभाइमकोवाङ नुङार शिक्षा पाहाक्‍चै स्‍वर्गौ राज्‍यौ सेछ समाचार सेटाक्‍चै र भर्मीकुङ खाल खालुङ रोगको गेपाक्‍चै व्‍हा।

मर्कूस 1:14

होटै युहन्‍नाकी झ्‍यालखानाङ ठुन्‍रखीङ परमेश्‍वरौ सेछ समचार सेटाक्‍चै येशू गालीलाङ राहा।

मर्कूस 1:21

होटै येशू चेलाको खाटा कफर्नहुम सहराङ नुङा। होला टारखीङ म्‍हुङ बाट्‍च याकाङ होसकै यहूदीकुङ सभाङुच इमाङ नुङार परमेश्‍वरौ शिक्षा पाहाक्‍की ठाला।

मर्कूस 1:39

होटै होसको गालील भरी होखुरीकुङ सभाङुच इम इमाङ सेछ समाचार सेटाक्‍चै र भूतकोलाक छ्‌युक्‍चै व्‍हा।

मर्कूस 3:10

अनी होसकै वास्‍टै छाच भर्मीकोलाक गेपाक्च बाटै छाचको पट्‍टकै न होसकोकी छुकी डेयार ढुसाढुस जाट्‍न न लेया।

मर्कूस 6:2

म्‍हुङ बाट्‍च डीनाङ होसकै यहूदीकुङ सभा ङुच इमाङ परमेश्‍वरौ शिक्षा याखी ठाला। होसकुङ शिक्षा सेच वास्‍टै भर्मीको छक्‍क पर्‌या र डेया, “इसे भर्मीये इसे पट्‍ट न कुटै वार्‌हा? इसकोकी याछ इसे ज्ञान कुङ्‍च हो? होसकै याङ्‍च शक्‍तिशाली कामको कुट जाट्‍न जाट्‍की य्‍होका?

मर्कूस 6:6

होखुरीकुङ अविश्‍वास डाङार होसको छक्‍क पर्‌या। होटै होसको लाङ्‍घा लाङ्‍घाङ परमेश्‍वरौ शिक्षा पाहाक्‍चै व्‍हा।

लुका 10:9

होला लेच छाच कोलाक गेपाक्‍नी, र होखुरीककी डेनी, ‘परमेश्‍वरौ राज्‍य नाखुरीकुङ खेरेप राम्‍ह भ्‍यामने।’

लुका 13:10

होटै कायाक म्‍हुङ बाट्‍चनीक येशूये यहूदिकुङ सभा ङुच इमाङ पाहाक्‍ङ न लेया।

लुका 16:16

“बप्‍तिस्‍मा याछ युहन्‍नौ बेलासम्‍म मोशौ व्‍यवस्‍था र अगमवक्‍ताकुङ शिक्षाङ भर्मीको व्‍हामन्‍या। होटै होसे बेला लकीङ इलाक चहीँ नाखुरीककी परमेश्‍वरौ राज्‍यौ सेछ समाचार सेटाक्‍ने। होटै पट्‍टको होला पर्‌की डेम जोड जाट्‍न न ले।

लुका 20:1

कायाक परमेश्‍वरौ मन्‍दिराङ येशूले भर्मीकोलाक शिक्षा याम्‍हन लेया। होखुरीककी सेछ समाचार सेटाक्‍न न लेया। होडीक न बेला मुख्‍य पुजाहारीको, धर्मगुरुको र अगुवाको होसको लेठाङ राहा।

लुका 4:14

होटै येशू पवित्र आत्‍मौ शक्‍तिये गालीलाङ ल्‍हेस्‍न राहा, र होसकुङ बारेयाङ वार्‌लाक-पार्‌लाकुङ पट्‍ट देशाङ सेछ कुरा फैलडीस्‍चै नुङा।

लुका 5:17

कायाक येशूये शिक्षा याम्‍हन लेनाङ गालील र यहूदियुङ पट्‍ट न लाङ्‌घीङ र यरूशलेम लकीङ राछ फरीसीको र धर्मगुरुको होसकुङ खेरेप न ङुम ङुमन्‍या। परमप्रभुओ गेपाक्च शक्‍ति होसको खाटा लेया।

लुका 6:17

होटै येशू र प्रेरितको डाँडा लकीङ म्‍हाका झाल्‍न चउराङ टार्‍हा। होला होसकुङ चेलाकुङ बाड्‍को भीड लेया, यहूदिया र यरूशलेम सहर होटै समुन्‍द्रौ छेवाङ पर्च टुरोस र सीदोन सहरको लकीङ वास्‍टै भर्मीको होला भेला छानन्‍या।

लुका 6:6

अर्‌को म्‍हुङ बाट्‍च डीनाङ येशूये यहूदिकुङ सभा ङुच इमाङ नुङार शिक्षा याहा। होला काट डोर मीहुट छोक्‍च भर्मी र लेया।

लुका 7:21

होडीक न बेला येशूये वास्‍टै भर्मीकुङ रोग र दुष्‍ट आत्‍मा लक्‍डीस्‍च कोलाक गेपाक्‍ङ न लेया र मीमीक माडाङ्‍चको र डाङ्‍च छाना।

लुका 7:22

युहन्‍नौ चेलाकोलाक येशूये इट डेया, “नाखुरीकै ही-ही डाङ्‍ने र सेमने, नुङार युहन्‍नाकी पट्‍ट न कुरा सेटाक्‍नी। मीमीक माडाङ्‍चकै डाङ्‍ङने, मीकु माक्‍योस्‍चको व्‍हामने, कुष्‍ठरोगीको गेप्‍नने, मेन्‍केप मासेचकै सेमने, सीचको जीवाम सोमने र डुकलाचकै सेछ समाचार सेकी डुप्‍ने।

लुका 8:1

होस न्‍हुइङ येशू परमेश्‍वरौ राज्‍यौ बारेयाङ सेछ समाचार सेटाक्‍चै सहर-सहर र लाङ्‍घा-लाङ्‍घाङ व्‍हाकी ठाला। होसको खाटा बार्‍ह जना चेलाको र लेया।

लुका 9:11

टर याङ्‌च कुरा थाहा डीन्‍हार वास्‍टै भर्मीकै होसकोकी डुटा। होसकै होखुरीककी स्‍वागट जाटा र परमेश्‍वरौ राज्‍यौ बारेयाङ सेटाका, होटै छाच लकीङ गेप्‍की मीमन जाट्‍चकोलाक गेपाका।

लुका 9:60

होसकी येशूये डेया, “मुर्‌डा कोलाक मुर्‌डाकै न ठाक्‍ख्‍यो। टर नाको चहीँ नुङार परमेश्‍वरौ राज्‍यौ बारेयाङ सेछ समचार सेटाक्‍नी।”

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।

युहन्‍ना 6:59

येशूये इसे कुरा कफर्नहुमुङ सभा ङुच इमाङ शिक्षा यान्‍हाङ डेच हो।

युहन्‍ना 7:1

होटै न्‍हुइङ येशू गालील क्षेत्राङ छेर्‍हाम व्‍हा। होसको यहूदियाङ नुङ्‍की मीमन माजाटा, हीजैडेनाङ यहूदी अगुवाकै होसकोकी साट्‍की पामन्‍या।

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 20:25

अब ङोस्‍नी, नाखुरीक सु-सुओ मीघ्‍याङ ङै परमेश्‍वरौ राज्‍यौ प्रचार जाट्‍चै राम्‍हने, नाखुरीकै फेरी ङाकी सेन्‍र माडाङ्‍ले डेच कुरा ङाकी थाहा ले।

प्रेरित 28:31

होचे खुल्‍लम खुल्‍ला परमेश्‍वरौ राज्‍यौ प्रचार जाटा र प्रभु येशू ख्रीष्‍टौ बारेयाङ शिक्षा यान्‍हाङ सुयेर रोकडीकी मापा।