मत्ती 4:12 - पुर्वीय मगर

¹² बप्‍तिस्‍मा याछ युहन्‍नाकी झ्‍यालखानाङ ठुना डेच कुरा सेयार येशू गालील पट्‍टी नुङा।

मत्ती 4:12 ပူးပေါင်းရင်းမြစ်များ

मत्ती 11:2

बप्‍तिस्‍मा याछ युहन्‍ना झ्‍यालखानाङ लेनाङ मुक्‍ति याछ ख्रीष्‍टै जाट्‍च कामकुङ बारेयाङ आसकै सेया। अनी लहो कोइ-कोइ चेलाकोलाक होसको लेठाङ इसे कुरा गीन्‍की बीर्‌न्‍हका।

मत्ती 14:3

पहीला हेरोद राजै लहो भाइ फीलीपौ मास्‍टो हेरोदीयासौ कारनै युहन्‍नाकी घोवार झ्‍यालखानाङ ठुन्‍नन्‍या।

मर्कूस 1:14

होटै युहन्‍नाकी झ्‍यालखानाङ ठुन्‍रखीङ परमेश्‍वरौ सेछ समचार सेटाक्‍चै येशू गालीलाङ राहा।

मर्कूस 6:17

होसे डेनाङ चेक अगाडी हेरोद राजै युहन्‍नाकी घोकी लैडीयार झ्‍यालखानाङ कामन्‍या। हीजैडेनाङ हेरोदै लहो न भाइ फीलीपौ मास्‍टो हेरोदीयासकी बीहा जाटार डामन्‍या।

लुका 23:5

टर होखुरीकै साफ्‍फी च्‍याकार डेया, “इचे पट्‍ट यहूदिया र गालील लकीङ इसे ठाँउसम्‍म शिक्षा याहार भर्मीकोलाक भड्‍कडीम न ले।”

लुका 3:20

होटबाटै युहन्‍नाकी हेरोदै झ्‍यालखानाङ ठुना र होच्‍ये झन मासेछ काम जाटा।

लुका 4:14

होटै येशू पवित्र आत्‍मौ शक्‍तिये गालीलाङ ल्‍हेस्‍न राहा, र होसकुङ बारेयाङ वार्‌लाक-पार्‌लाकुङ पट्‍ट देशाङ सेछ कुरा फैलडीस्‍चै नुङा।

लुका 4:31

होटै येशू गालीलौ काट सहर कफर्नहुम डेठाङ झाल्‍न राहा। होला होसकै म्‍हुङ बाट्‍च नीक भर्मीकोलाक शिक्षा याम्‍हन लेया।

युहन्‍ना 1:43

पीउर्‍हाक लेखो येशूये गालीलाङ नुङ्‍च नीढो जाटार ख्‍योव्‍हा। होडीक न बेला होसकै फीलीपकी डुपार डेया, “ङाकी डुटो।”

युहन्‍ना 2:11

येशूये जाट्‍च अचम्‍मौ चीन्‍हको मढ्‍याङ इसे पहीलो चीन्‍ह होसकै गालीलुङ काना सहराङ जाट्‍च हो। इटजाट्‍न होसकै लहो महीमा टान्‍हाका, र होसकुङ चेलाकै होसको मीटाक विश्‍वास जाटा।

युहन्‍ना 3:24

(होडीक बेलासम्‍म युहन्‍ना झ्‍यालखानाङ मापर्‌नन्‍या।)

युहन्‍ना 4:43

येशू होला नीस याकसम्‍म ङुवा, र होटै ख्‍योव्‍हार गालीलाङ नुङा।

युहन्‍ना 4:54

इसे चहीँ यहूदियालकीङ गालीलाङ राहार येशूये जाट्‍च दोस्रो अचम्‍मौ चीन्‍ह लेया।