मत्ती 4:10 - पुर्वीय मगर

¹⁰ टब येशूये डेया, “ए, शैतान, नाङ इटै नुङ्‍की क्‍योटो! हीजैडेनाङ धर्मशास्‍त्राङ रीक्‍ङने, ‘नीये परमप्रभु लहो परमेश्‍वरकी मट्‍टै झोर्‌की र होसकुङ मट्‍टै सेवा जाट्‍की।’”

मत्ती 4:10 ပူးပေါင်းရင်းမြစ်များ

मत्ती 16:23

टर येशू ल्‍हेसार पत्रुसकी डेया, “ए शैतान, ङौ म्‍याहासीङ नुङ्‍की क्‍योटो! नाङ ङौ लागी बाधा हो। हीजैडेनाङ नुओ मीमनाङ परमेश्‍वरौ कुरा होइन, टर भर्मीलकीङ राछ कुराको ले।”

मर्कूस 1:13

होला शैतानै होसकोकी चालीस याक सम्‍म परिक्षा जाटा र पापाङ पार्‌कीपा। अनी येशू जङ्‍गलुङ जनावरको खाटा ङुवा, होटै स्‍वर्गदूतकै होसकुङ सेवा जाटा।

लुका 10:18

होटै होसकै होखुरीककी डेया, “ङै शैतानकी स्‍वर्ग लकीङ पीझ्‍यानाङ लेखा न झाल्‍चै जाट्‍च डाङा!

लुका 11:18

होटजाट्‍न न शैतानको र लाहा-लाहा माखाटा डेनाङ होच्‍यौ राज्‍य कुटजाट्‍न ङुम ङुकी य्‍होक्‍ले र? नाखुरीक ङाकी बालजीबुलौ शक्‍तिये दुष्‍ट आत्‍मा छ्‍युक्‍ले डेले।

लुका 13:16

इसे अब्राहामौ मास्‍टो मीजाकी दुष्‍ट आत्‍मै अठार वर्ष लकीङ बन्‍धनाङ डामन्‍या। ही म्‍हुङ बाट्‍चनीक इचे होसे बन्‍धनीङ छुटकारा डीन्‍खी पर्च माहाले र?”

लुका 22:3

होडीक बेला न बार्‍ह जना चेलाको मढ्‌याङ यहूदास इस्करीयोट डेचौ मीमन भीत्री शैतान पर्‌या।

लुका 22:31

होटै येशूये डेया, “सीमोन, ए सीमोन ङोस्‍नी, शैतानै नाकोकी गहुँकी लेखा न टाप्‍की अनुमटी ङेम्‍हने।

लुका 4:8

होटै येशूये शैतानकी डेया, “धर्मशास्‍त्राङ रीक्‍ङने, ‘नीये लहो परमेश्‍वरकी मट्‍टै झोरो र होसकुङ मट्‍टै सेवा जाट्‍की।’”

युहन्‍ना 13:27

अनी यहूदासै रोटो लाच बीट्‍टीकै होसे भीत्री शैतान पर्‌या र येशूये होसकी डेया, “नाकै ही जाट्‍की पाच हो होसे छीटो जाट्‍की क्‍योट्‍नी।”

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 5:3

पत्रुसै डेया, “ए हननीया, पवित्र आत्‍माकी ढाँट्‍डीच र य्‍हा आर्‌लाच पैसा चेक्‍जा लाहा खाटा डाच कुरा शैतानै कुटजाट्‍न नाकुङ मीमनाङ काम याहा?

याकुब 4:7

होटबाटै लाहाकी परमेश्‍वरौ अधिनाङ डानी। शैतानकी विरोध जाट्‍नी र होसे नाखुरीकलकीङ लोस भोग्‍डीस्‍ले।

१ पट्‍रुस 5:9

विश्‍वासाङ बलीयो छानार शैतानकी विरोध जाट्‍नी हीजैडेनाङ नाखुरीकुङ लेखा न संसारभरीयुङ न विश्‍वासी डाजेभाइको र डै बहीनीकै र डुख भोक्‍डीकी पर्‌नने डेच कुरा नाखुरीककी ठाहा ले।