मत्ती 3:8 - पुर्वीय मगर

⁸ साँच्‍ची न नाखुरीकै लहो पाप डासार परमेश्‍वर पट्‍टी लहो मीमन ल्‍हेटाक्‍च हो डेनाङ होसे अनुसार काम जाटार टान्‍हाक्‍नी।

मत्ती 3:8 ပူးပေါင်းရင်းမြစ်များ

मत्ती 21:32

हीजैडेनाङ बप्‍तिस्‍मा याछ युहन्‍ना नाखुरीक लेठाङ धार्मिकतौ सत्‍य लाम टान्‍हाक्‍की राहा, टर आसकोकी नाखुरीकै विश्‍वास माजाटा। बरु कर सोट्‍चको र बेस्‍याकै चहीँ आसकोकी विश्‍वास जाटा। नाखुरीकै इसे डाङ्‍नाङ र लहो पापको माडासा र आसकोकी विश्‍वास माजाटा।”

लुका 3:8

पापको डासार परमेश्‍वर पट्‍टी ल्‍हेस्‍नी र लाहा-लहो मीमनकी परमेश्‍वर पट्‍टी ल्‍हेसाक्‍च हो डेनाङ होटजाट्‍न न ह्‍वानी। टर ‘कानको अब्राहामौ सन्‍टानको हो’ डेनाङ न नाखुरीक दण्‍ड लकीङ भीस्‍की डीन्‍ल्‍हे डेम माआर्‌मीट्‌नी। टर परमेश्‍वरै अब्राहामौ लागी डेम ल्‍हुङ लकीङ र सन्‍टान खास्‍की य्‍होक्‍ले।

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।