मत्ती 3:2 - पुर्वीय मगर

² “लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 3:2 ပူးပေါင်းရင်းမြစ်များ

मत्ती 10:7

‘स्‍वर्गुङ राज्‍य खेरेप राम्‍हने’ डेयार प्रचार जाट्‍नी।

मत्ती 11:20

कुसे-कुसे सहराङ येशूओ वास्‍टै शक्‍तिशाली कामको छान्‍नन्‍या, अनी होसकै होसे सहरकोलाक धिक्‍कारीकी ठाला, हीजैडेनाङ होखुरीकै लहो पाप डासार परमेश्‍वर पट्‍टी माल्‍हेसा।

मत्ती 12:41

न्‍यायौ डीनाङ नीनबेयुङ भर्मीको खडा छान्‍ले, अनी इसे पुस्‍ताकी दोषी ठहरीले, हीजैडेनाङ होखुरीकै योनौ प्रचाराङ लाहा-लहो पाप डासार परमेश्‍वराङ ल्‍हेस्‍नन्‍या। र ङा नाखुरीककी डेले, योना डेनाङ महान काट जना इला ले।

मत्ती 13:11

होसकै होखुरीककी जवाफ याहा, “नाखुरीककी च स्‍वर्गौ राज्‍यौ रहस्‍यको वार्‌छ ग्‍यान याम्‍हने, टर होखुरीककी च माय्‍हामने।

मत्ती 13:24

येशूये होखुरीककी अर्‌को उदाहरण याछै डेया, “स्‍वर्गौ राज्‍य काट जना भर्मी ल्‍याक्‍च हो, होचे लहो य्‍हाङ सेछ छोयो भेरेटा।

मत्ती 13:31

येशूये फेरी होखुरीककी अर्‌को उदाहरण याहार डेया, “स्‍वर्गौ राज्‍य काट राइगानौ छोयो ल्‍याक्‍च हो, होसकी काट जना भर्मीये आल्‍हार लहो य्‍हाङ रोप्‍डीया।

मत्ती 13:33

येशूये अर्‌को उदाहरण याहार डेया, “स्‍वर्गौ राज्‍य खमीर ल्‍याक्‍च हो, होचे चहीँ रोटो सोकाक्‍ले। काट मास्‍टोये चेक्‍जा खमीर सोम पाठी बेभोकाङ मोल्‍होक्‍ले अनी होसे पट्‍ट न सोकार ठीक माछान्‍ठर काट ठावाङ डा।”

मत्ती 13:47

“स्‍वर्गौ राज्‍य टालाङ ङाप्‍च काट जाल ल्‍याक्‍च न हो। होला पट्‍ट खाल्‍या डीस्‍याको पर्‌ले।

मत्ती 13:52

येशूये फेरी डेया, “होटबाटै स्‍वर्गौ राज्‍यौ बारेयाङ शिक्षा डुप्‍च पट्‍ट न धर्मगुरुको चहीँ इमुङ काट जना मीमुरुङ ल्‍याक्‍च न हो। होचे लहो ढुकुटीलकीङ नयाँ र पुरानो मुल्‍यवान सामानको बाहीर डोन्‍ले।”

मत्ती 18:23

होटबाटै स्‍वर्गौ राज्‍य काट राजा ल्‍याक्‍च न हो, होचे लहो नोकरकोखाटा हीसाब लाच मीमन जाटा।

मत्ती 20:1

“स्‍वर्गौ राज्‍य चहीँ याङ्‍च हो। कागोराक न काट जना बारीयो मीमुरुङ लहो अङ्‍गुर बारीयाङ काम लैडीकी भर्मी पाकी ख्‍योहा।

मत्ती 22:2

“स्‍वर्गौ राज्‍य काट राजा ल्‍याक्‍च हो, होचे लहो लेन्‍जा मीजौ लागी काट ब्‍याहा भोज तयार जाटा।

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 25:1

“स्‍वर्गौ राज्‍यकी डस कन्‍याकोखाटा तुलना जाट्‍की य्‍होक्‍ले, होखुरीकै लाहा-लहो बट्‍टी लार ब्‍याहुलाकी डुप्‍की नुङा।

मत्ती 25:14

“स्‍वर्गौ राज्‍य इसे ल्‍याक्‍च र हो। काट जना भर्मी परदेश नुङ्‍नाङ नोकरकोलाक आर्‌घार लहो पैसा बड्‍ढीकी डेयार होखुरीककी याहा।

मत्ती 4:17

होसबेला लकीङ न प्रचार जाट्‍चै येशूये डेकी ठाला, “लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप टार्‍हामने।”

मत्ती 4:23

येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मत्ती 5:10

धार्मिकतौ लागी डुख भोक्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 5:3

“लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 6:10

र नाकुङ राज्‍य राख्‍यौ। नाकुङ इच्‍छा स्‍वर्गाङ कुङ्‍च ले, होङ्‍च न इसे पृथ्‍वीयाङ र पुरा छान्‍ख्‍यौ।

मत्ती 6:33

टर पहीले परमेश्‍वरौ राज्‍य र होसकुङ धार्मिकताकी पानी, अनी इसे पट्‍ट न ठोक नाखुरीकुङ लागी याल्‍हे।

मर्कूस 1:15

अनी होसकै डेया, “अब समय पुरा छान्‍न ने र परमेश्‍वरौ राज्‍य खेरेप टार्‍हामने। पापको डासार परमेश्‍वर पट्‌टी ल्‍हेस्‍नी र सेछ समचाराङ विश्‍वास जाट्‍नी।”

मर्कूस 1:4

बप्‍तिस्‍मा याछ युहन्‍ना उजाड ठावाङ राहा र इट डेम प्रचार जाटा, “नाखुरीक पापको डासार परमेश्‍वर पट्‍टी ल्‍हेस्‍नी र बप्‍तिस्‍मा लानी अनी परमेश्‍वरै नाखुरीकुङ पाप क्षमा जाट्‍न याल्‍हे।”

मर्कूस 6:12

होटै न्‍हुइङ चेलाको ख्‍योव्‍हार नुङा र भर्मीकै पापको डासार परमेश्‍वर पट्‍टी ल्‍हेस्‍ख्‍यो डेम प्रचार जाटा।

लुका 1:16

होटै आसकै इस्राएली जातिकुङ वास्‍टै भर्मीकोलाक लहो परमप्रभु परमेश्‍वरपट्‍टी ल्‍हेसाक्‍ले।

लुका 11:20

ङै परमेश्‍वरौ शक्‍तिये दुष्‍ट आत्‍मा छ्‍युक्‍ले डेनाङ नाखुरीकुङ मीघ्‍याङ परमेश्‍वरौ राज्‍य राम्‍ह भ्‍यामने।

लुका 13:3

टर ङा नाखुरीककी डेले, होङ्‌च होइन! इडीक नाखुरीकै पापको डासार परमेश्‍वर पट्‌टी माल्‍हेसा डेनाङ, नाखुरीक र होटजाट्‍न न नास छान्‍ले।

लुका 13:5

टर ङा नाखुरीककी डेले, होट होइन! नाखुरीकै पापको डासार परमेश्‍वर पट्‌टी माल्‍हेसा डेनाङ नाखुरीक र होटजाट्‍न न सीले।”

लुका 15:10

ङा नाखुरीककी डेले, इटजाट्‍न लहो पापको डासार परमेश्‍वर पट्‌टी ल्‍हेस्‍च काट पापी भर्मीयो लागी परमेश्‍वरौ स्‍वर्गदूतौ म्‍याहासाङ आनन्‍द छान्‍ले।”

लुका 15:7

ङा नाखुरीककी डेले, “पापको डासार परमेश्‍वर पट्‌टी ल्‍हेस्‍की मापर्‌च उनान्‍सय जना धर्मी कोलाक डेनाङ लहो पापको डासार परमेश्‍वर पट्‌टी ल्‍हेस्‍च काट पापीयो लागी स्‍वर्गआङ बाड्‍को खुसी मन्‍डीले।”

लुका 16:30

होटै होचे डेया, ‘होइन, बोइ अब्राहाम, सीच भर्मीको लकीङ काट जना जीवार होखुरीक लेठाङ नुङा डेनाङ च होखुरीक लहो पापको डासार परमेश्‍वर पट्‌टी ल्‍हेस्‍ले।’

लुका 21:31

होटजाट्‍न न नाखुरीकै र जब इसे कुराको छान्‍न राछ डाङ्‍ले, होटै परमेश्‍वरौ राज्‍य खेरेप टार्‍हामे डेम वार्‌न्‍ही।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

लुका 6:20

होटै येशूये मेखोल्‍हौ चेलाकोलाक ङोसार डेया, “ए गरीबको, नाखुरीक आसीस डुप्‍चको हो हीजैडेनाङ परमेश्‍वरौ राज्‍य नाखुरीकुङ न हो।

लुका 9:2

होसकै होखुरीककी परमेश्‍वरौ राज्‍यौ बारेयाङ सेटाक्‍की र छाच कोलाक गेपाक्‍की डेम बीर्‌न्‍हका।

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 17:30

पहीला माव्‍हार्‌न न जाट्‍च कामकी परमेश्‍वरै माङोस्‍ले। टर अब पट्‍ट न ठावाङ पट्‍ट भर्मीकोलाक पश्‍चात्ताप जाट्‍की आज्ञा याम्‍हने।

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

२ पट्‍रुस 3:9

कुडीक जना भर्मीकै बीचार जाट्‍च लेखा प्रभु लहो प्रतिज्ञा पुरा जाट्‍की ढीलो माजाट्‍ले। टर होसकै नाखुरीककी लेन्‍न ङुमने। हीजैडेनाङ परमेश्‍वरौ इच्‍छा इसे हो की नाखुरीक मढ्‍याङ सुर नास माछान्‍ख्‍यो, टर पट्‍ट न भर्मीकै लहो पापको डासार परमेश्‍वर पट्‍टी ल्‍हेस्‍ख्‍यो।