मत्ती 2:4 - पुर्वीय मगर

⁴ होटै हेरोद राजै मुख्‍य पुजाहारीको र धर्मगुरुकोलाक आर्‌घा अनी भेला जाटार गीना, “मुक्‍ति याछ ख्रीष्‍टौ जन्‍म कुला छान्‍ने?”

मत्ती 2:4 ပူးပေါင်းရင်းမြစ်များ

मत्ती 13:52

येशूये फेरी डेया, “होटबाटै स्‍वर्गौ राज्‍यौ बारेयाङ शिक्षा डुप्‍च पट्‍ट न धर्मगुरुको चहीँ इमुङ काट जना मीमुरुङ ल्‍याक्‍च न हो। होचे लहो ढुकुटीलकीङ नयाँ र पुरानो मुल्‍यवान सामानको बाहीर डोन्‍ले।”

मत्ती 2:3

इसे कुरा सेयार हेरोद राजा आटडीसा, र होसको खाटा यरूशलेमुङ पट्‍ट न भर्मीको र आटडीसा।

मत्ती 2:5

होखुरीकै डेया, “यहूदियुङ बेथलेहेम लाङ्‍घाङ, हीजैडेनाङ धर्मशास्‍त्राङ अगमवक्‍तै इसे बारेयाङ इट डेम रीक्‍ङने:

मत्ती 21:15

टर जब मुख्‍य पुजाहारीको र धर्मगुरुकै होसकै जाट्‍च अचम्‍मौ कामको डाङा, र मा-मार्‌जा जजाकै परमेश्‍वरौ मन्‍दिरुङ आर्‌भाङ “दाउदौ मीजाकी होसन्‍ना” डेचै च्‍याक्‍च सेया, अनी होखुरीक साप्फी मीरीस ख्‍योहा।

मत्ती 21:23

अनी येशू परमेश्‍वरौ मन्‍दिर भीत्री पर्‌यार शिक्षा याम्‍हन लेया, होडीक बेला मुख्‍य पुजाहारीको र अगुवाको होसको लेठाङ राहार होसकोकी गीना, “नाकै कुटै अधिकार डुपार इसे काम जाट्‍नन ले? इसे अधिकार नाकोकी सुये याहा?”

मत्ती 26:3

होडीक न बेला कैयाफा डेच परढान पुजाहारीयो डरबाराङ मुख्‍य पुजाहारीको र अगुवाको भेला छाना।

मत्ती 26:47

इटजाट्‍न येशूये ङाक्‍नाङ-ङाक्‍नाङ न, बार्‍हजना चेलाको मध्‍याङ काट जना यहूदास डेच चेला राहा। होसेखाटा मुख्‍य पुजाहारीको र अगुवाकै बीर्‌न्‍हकाच काट बाड्‍को भीड तरवार र घोचाको लार राहा।

मत्ती 27:1

गोराक ङ्‌हासीङ न मुख्‍य पुजाहारीको र भर्मीकुङ अगुवाकै येशूकी मृत्‍युदन्‍ड याछ नीढो जाटा।

मत्ती 7:29

हीजैडेनाङ होसकै होखुरीककी धर्मगुरुकै लेखा होइन टर अधिकार लेच भर्मीये लेखा न पाहाक्‍न्‍या।

मर्कूस 8:31

येशूये मेखोल्‍हौ बारेयाङ चेलाकोलाक इटजाट्‍न डेया, “भर्मीयो मीजै साप्फी डुख भोग्‍डीकी पर्‌ले। अगुवा, मुख्‍य पुजाहारीको र धर्मगुरुकै इन्‍कार जाट्‍ले र साट्‍ले टर सोम याकाङ जीवाम सोले।”

लुका 20:19

होटै धर्मगुरुको र मुख्‍य पुजाहारीकै इसे उदाहरण मेखुरीकुङ विरोधाङ डेच हो डेम वार्‌हा होडीक न बेला येशूकी घोकी पा। टर होखुरीक भर्मीको खाटा बीर्‍हीम्‍या।

लुका 23:10

होटै मुख्‍य पुजाहारीको र धर्मगुरुको सोवार होसकोकी एकोहोरो दोष लैडीकी ठाला।

युहन्‍ना 18:3

टब होडीक न बेला मुख्‍य पुजाहारीको र फरीसीकै बीर्‌न्‍हकाच कुडीक जना रोमी सीपाहीको, परमेश्‍वरौ मन्‍दिराङ पहरा याछकोलाक लार यहूदास होसे बगैँचा भीत्री पर्‌या। होखुरीकै मीहुटाङ हतियारको, राँको र बट्‍टी बुमन्‍या।

युहन्‍ना 3:10

येशूये होसकी डेया, “नाको च इस्राएलुङ गुरु हो, र नाकै इसे कुरा माबुझडीस्‍ले?

युहन्‍ना 7:32

येशूओ बारेयाङ भीडाङ लेच भर्मीकै खास्‍याक खुसुक ङाक्‍चै जाट्‍च फरीसीकै सेया। टब मुख्‍य पुजाहारीको र फरीसीको खाटार होसकोकी घोकी परमेश्‍वरौ मन्‍दिर रुङ्‍च सीपाहीकोलाक बीर्‌न्‍हका।

युहन्‍ना 8:3

धर्मगुरु र फरीसीकै व्‍यभिचार जाट्‍न ङुच अवस्‍ठाङ डुपार घोच काट मास्‍टोकी राकार पट्‍टओ अगाडी टोङ्‍हाका,

प्रेरित 23:9

होचे जाट्‍न महासभाङ बाड्‍को हल्‍ला छाना। फरीसी समुहुङ कोइ-कोइ धर्मगुरु खडा छानार इट डेचै विरोध जाटा, “इसे भर्मीयाङ कानै हीर खराबी माडुप्‍ने। इडीक आत्‍मा वा स्‍वर्गदूतै इसकोकी इट डेच हो डेनाङ ही ट?”

प्रेरित 4:5

होटै पीउर्‍हाक लेखो शासकको, धर्मगुरुको र अगुवाको यरूशलेमाङ भेला छाना।

प्रेरित 6:12

होटजाट्‍न होखुरीकै जनताकोलाक, अगुवा र धर्मगुरु कोलाक भड्‍कडीया र होखुरीकै स्‍तिफनसकी घोवार महासभाङ राका।