मत्ती 2:23 - पुर्वीय मगर

²³ होसे नुङार नासरत डेच ठावाङ ङुवा। इटजाट्‍न अगमवक्‍ताकोलकीङ ङाक्‍च वचन पुरा छाना, “होसकोकी नासरी डेले।”

मत्ती 2:23 ပူးပေါင်းရင်းမြစ်များ

मत्ती 1:22

परमप्रभुये अगमवक्‍तालकीङ ङाक्‍च वचन पुरा छान्‍की डेम इसे छान्‍च हो:

मत्ती 21:11

भीडुङ भर्मीकै डेया, “होसको च गालीलुङ नासरतुङ अगमवक्‍ता येशू हो।”

मत्ती 26:71

होसे आर्‌भौ गालाम पट्‍टी नुङा। अर्‌को काट नोकरनीये होसकी होला डाङा, र होला लेच भर्मीकोलाक डेया, “इसे भर्मी र येशू नासरी खाटा न लेया।”

मर्कूस 1:24

“ए नासरतुङ येशू, कानुङ नाको खाटा ही काम ले र? ही नाको कानकी नास जाट्‍की डेम राछ हो? ङा नाकोकी चीन्‍डीले, नाको परमेश्‍वरौ काट पवित्र जन हो।”

मर्कूस 1:9

अनी होस बेला येशू गालीलौ नासरत सहरलकीङ राहा र यर्दन नदियाङ युहन्‍नालकीङ बप्‍तिस्‍मा ला।

लुका 1:26

एलीशिबौ मीटुकाङ मीजा छ महीनौ छान्‍नाङ परमेश्‍वरै गब्रिएल स्‍वर्गदूतकी गालीलौ नासरत डेच सहराङ बीर्‌न्‍हका।

लुका 18:37

भर्मीकै होसकी डेया, “नासरतुङ येशू इटै न नुङ्‍ङ न ले।”

लुका 2:39

पर्‌मप्रभुओ व्‍यावस्‍थै डेच लेखा जाट्‌की पर्च काम जाट्‌न भ्याच न्‍हुइङ योसेफ र मरीयम बालख येशूकी लार मेखुरीकुङ सहर गालीलौ नासरताङ ल्‍हेसा।

युहन्‍ना 18:5

होखुरीकै डेया, “नासरतुङ येशूकी।” येशूये होखुरीककी डेया, “ङा होसे न हो।” येशूकी घोवाक्‍ङ याछ यहूदास र होखुरीक खाटा न टोङ्‍ह ङुमन्‍या।

युहन्‍ना 18:7

फेरी येशूये होखुरीककी गीना, “होइन, नाखुरीकै सुकी पाच?” होखुरीकै फेरी डेया, “नासरतुङ येशूकी।”

युहन्‍ना 19:19

पिलातसै “नासरतुङ येशू यहूदीकुङ राजा” डेच दोष पत्र रीकार क्रूसाङ टाराप लाक्‍ङ याहा।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

प्रेरित 24:5

कानै इसे भर्मीकी पट्‍ट पट्‍टी डुख याम्‍ह व्‍हाच र संसार भरीयुङ यहूदीकुङ मीघ्‍याङ हुलडुङ्‍गा मच्‍चडीच, र नासरीकुङ डलौ मुख्‍य अगुवा छानार व्‍हाच डुप्‍मन ने।