मत्ती 2:12 - पुर्वीय मगर

¹² होटै न्‍हुइङ ज्‍योतिषीकै माङ्‍नामाङ “हेरोद लेठाङ ल्‍हेसार मानुङ्‍की” डेच परमेश्‍वरौ चेतावनी डुपा र होखुरीक अर्‌को न लाम छानार लहो देशाङ ल्‍हेसा।

मत्ती 2:12 ပူးပေါင်းရင်းမြစ်များ

मत्ती 1:20

टर याङ्‍च विचार जाट्‍न ङुनाङ परमप्रभुओ काट स्‍वर्गदूतै योसेफकी माङ्‍नामाङ डेया, “ए दाउदौ मीजा योसेफ, मरीयमकी मास्‍टौ रुपाङ स्‍वीकार जाट्‍की नाङ माबीर्‍हीयो, हीजैडेनाङ होच्‍यौ गर्भाङ लेच मीजा चहीँ पवित्र आत्‍मालकीङ ङुच हो।

मत्ती 2:13

होसे ज्‍योतिषीको नुङ्‍रखीङ योसेफै माङ्‍नामाङ परमप्रभुओ काट स्‍वर्गदूतकी डाङा र स्‍वर्गदूतै डेया, “सोना, तुरुन्‍तै बालख र होसकुङ मोइकी लार मिश्राङ भोग्‍डीस्‍की क्‍योटो। ङै ल्‍हेसार राखी माडेठर नाखुरीक होला न ङुकी हीजैडेनाङ हेरोदै बालखकी साट्‍च विचार जाट्‍न न ले।”

मत्ती 2:19

हेरोद सीरखीङ योसेफै परमप्रभुओ काट स्‍वर्गदूतकी मिश्र देशाङ माङ्‍नामाङ डाङा,

मत्ती 2:22

टर यहूदियाङ हेरोदौ मीजा अर्‌खीलाउसै बोयो ठावाङ राज्‍य जाट्‍न न ले डेच सेयार योसेफ होला नुङ्‍की बीर्‍हीया। फेरी परमप्रभु लकीङ माङ्‍नामाङ चेतावनी डुपार होसे गालीलाङ नुङा।

मत्ती 27:19

होटै पिलातस न्‍याय जाट्‍च ठावाङ ङुच बेलाङ होच्‍यो मास्‍टोये इट डेयार खबर याम्‍हका, “होसे निर्दोष भर्मीकी हीर माजाट्‍नी, हीजैडेनाङ छीनी नाबीक माङ्‍नामाङ होच्‍यौ कारनै ङै वास्‍टै डुख भोग्‍डीमने।”

लुका 2:26

“परमप्रभुओ मुक्‍ति याछ ख्रीष्‍टकी माडाङ्‌ठर नाको मासीले” डेम पवित्र आत्‍मै अगाडी न आसकोकी थाहा याम्हन्‍या।

प्रेरित 10:22

होखुरीकै डेया, “काट जना कप्‍तान कर्नेलियसै कानकी बीर्‌न्‍हकाच हो। आसको इमान्‍डारी र परमेश्‍वर खाटा बीर्‍हीछ भर्मी ले। आसकोकी पट्‍ट यहूदी जातिकै र आदर जाट्‍ले। नाकोकी आसकुङ इमाङ आर्‌घार नाकोलकीङ सन्‍देश सेकी डेम काट पवित्र स्‍वर्गदूतै आसकोकी आज्ञा याम्‍हने।”

प्रेरित 4:19

टर पत्रुस र युहन्‍नै होखुरीककी जबाफ याहा, “नाखुरीकै डेच कुरा मन्‍डीकी की परमेश्‍वरै डेच कुरा मन्‍डीकी, परमेश्‍वरौ म्‍याहासाङ कुसे चहीँ ठीक ले? नाखुरीक न बीचार जाट्‍नी।

प्रेरित 5:29

पत्रुस र अरु प्रेरितकै डेया, “कानै भर्मीकुङ होइन टर परमेश्‍वरौ आज्ञा मन्‍डीकी न पर्‌ले।