मत्ती 18:7 - पुर्वीय मगर

⁷ भर्मीकोलाक पाप जाट्‍की लैडीच कुराकुङ लागी इसे संसारकी धिक्‍कार! याङ्‍च कुराको च राखी न पर्‌ले, टर धिक्‍कार होसे भर्मीकी सुलकीङ पाप जाट्‍की लैडीच कुराको राल्‍हे!

मत्ती 18:7 ပူးပေါင်းရင်းမြစ်များ

मत्ती 16:23

टर येशू ल्‍हेसार पत्रुसकी डेया, “ए शैतान, ङौ म्‍याहासीङ नुङ्‍की क्‍योटो! नाङ ङौ लागी बाधा हो। हीजैडेनाङ नुओ मीमनाङ परमेश्‍वरौ कुरा होइन, टर भर्मीलकीङ राछ कुराको ले।”

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

मर्कूस 13:7

जब नाखुरीकै लडाइको छान्‍च र लडाइयो हल्‍लाको सेले, होसबेला माबीर्‍हीखी। याङ्‍च कुराको छान्‍की न पर्‌ले, टर अन्‍त्‍यौ डीन राखी चहीँ अझै बाँकी न ले।

लुका 17:1

येशूये लहो चेलाकोलाक डेया, “भर्मीकुङ पाप जाट्‍की लैडीच परीक्षाको च पक्‍का न राल्‍हे। अरुकी पापाङ फसडीच होसे भर्मीकी ढीक्‍कार ले।

युहन्‍ना 17:12

कुसे म्‍यार्‌मीन नाकै ङाकी याम्‍हन्‍या, ङा होखुरीक खाटा लेनाङ ङै होखुरीककी होसे न म्‍यार्‌मीनौ शक्‍तिये जोगडीयार डा। अनी नास छान्‍की पर्च भर्मी बाहेक ङै सुकीर नास छान्‍की माय्‍हा टर सुरक्‍छीट डा, होटबाटै धर्मशास्‍त्राङ रीक्‍च बचन पुरा छान्‍की न पर्च लेया।

प्रेरित 1:16

“ए भाइको, धर्मशास्‍त्रओ बचन ओल्‍खी पर्च लेया। कुसे बचन येशूकी घोचकुङ अगुवा यहूदासौ बारेयाङ दाउदौ मेङेरीङ अगाडी लकीङ न पवित्र आत्‍मै ङाक्‍ङन्‍या।

१ टीमोठी 6:1

नोकरकै लहो मालीककोलाक पट्‍ट न कुराङ आदर जाट्‍ख्‍यौ, र होटजाटा डेनाङ कुचे र परमेश्‍वरौ म्‍यार्‌मीन र कानै याछ शिक्षाकी दोष याखी माय्‍होक्‍ले।

टीटस 2:5

र होखुरीकै लहे लाहाकी न अढीनाङ डाकी, शुद्ध मीमन खास्‍की, दयालु, सेछ घरजम जाट्‍की र लेन्‍जाकुङ अढीनाङ ङुकी डेम पाहाक्‍ख्‍यौ। इडीक होखुरीकै होट जाटा डेनाङ परमेश्‍वरौ बडनाम माछान्‍ले।

टीटस 2:8

बलीयो शिक्षा पाहाक्‍नी टा की सुयेर होसे शिक्षा चेकी माय्‍होक्‍ख्‍यौ। अनी कानुङ विरुधाङ सट्‍रुकै हीर खराब कुरा माडुपार मेखुरीक न कारामसेकी पर्‌ले।

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।